Qidiruv

ot 1. Biror kimsani gʻoyat darajada sevib qolgan, maftun boʻlgan, uning uchun hamma narsadan kechishga tayyor; joʻshqin oshiq.

Shaydo boʻlmoq. Shaydo qilmoq.

— Parvo qilma. Omon-eson Toshkent boraylik, birovning suqi tushmaganidan topib beraman. Koʻribsanki, u ham shaydo, sen ham. Meni duo qilaverasanlar, — dedi Sunnat. — Shuhrat, Shinelli yillar

Shaydolaringiz ikkita boʻlib qolibdimi? — dedi yana kimdir. Yana kulgi koʻtarildi. — M. Qoriyev, Oydin kechalar

Gul yuzi uni [

Gʻulomjonni] shaydo qilgan oʻsha damda, xirmonda Hayotning Madaminxoʻja qizi ekanligini bilibmidi? — M. Ismoiliy, Fargʻona tong otguncha

2. Biror narsaga gʻoyat darajada qiziqadigan, ashaddiy ishqiboz.

Futbol shaydosi. Musiqa shaydosi. Sanʼat shaydosi.

Akasining har qanday yangilik shaydosi ekanligi xususida gapira ketdi. — Oʻzbekiston qoʻriqlari

ruschaстрастно влюблённый, пристрастившийся (к чему-л.)inglizchapassionate lover, mad with lovefransuzchaamoureux à la folie, amoureux passionnéarabchaمَحْبُوبٌ، مَفْتُونٌ

sft. 1. ayn. Shaydo.

Bir koʻrishdayoq u qizga shaydoyi boʻldi. Xokkey shaydoyilari.

2. Biror kimsani gʻoyat darajada sevish yoki biror narsaga nihoyatda berilish tufayli aql-hushini yoʻqotgan; majnunnamo, devona.

Oʻzingiz ham biror qizni shaydoyi boʻlib sevganmisiz? — Shukrullo, Javohirlar sandigʻi

ot Shaydo ekanlik, shaydo holat.

Mening shaydoligim bu nozparvar dilrabodandir. — Habibiy

Shaydoligimni, dilbar, inkor qilmasang-chi. — Shoʻxiy

Bilaman bahorning erka shamolin, Sevaman tuproqning uygʻonish chogʻin, Boʻsalar faslini, yorning jamolin Hay-hay, shaydoligim tutmasin tagʻin! — M. Shayxzoda

ruschaстрастная влюбленность, пристрастие (к чему-л.), хоббиinglizchabeing passionately in love, loving passionately, keennessfransuzchapassion pour, amour passionnéarabchaحُبٌّ، عِشْقٌ، فِتْنٌ

ot Shaydo ekanlik, shaydo boʻlishlik; shaydolik, maftunlik.