Поиск

fl. 1. Ishq-muhabbat tuygʻusi bilan munosabatda boʻlmoq; koʻngil qoʻymoq, yaxshi koʻrmoq.

Jonginam, men senga koʻrsatay vafo, Gullagan bahorim, seni sevaman. — U. Ismoilov, Saylanma

Shu topdagina u [Alimardon] Muqaddamni sevganini, qattiq sevganini tushundi. — Oʻ. Hoshimov, Qalbingga quloq sol

2. Mehr-muhabbat, sadoqat koʻrsatmoq; gʻamxoʻrlik qilmoq.

Vatanni sevmoq. Onani sevmoq.

Ona oʻz oʻgʻlini sevadi faqat — H. Olimjon

Otam boʻlmasangiz ham, meni otam muhabbati bilan sevgan sodiq va mehribon bir kishimsiz, yaʼni maʼnaviy otam. — A. Qodiriy, Oʻtgan kunlar

3. Yoqtirmoq, yaxshi koʻrmoq.

Musiqani sevmoq. Gulni sevgan tikanni ham sevadi.

Nuri kiyinishni, bezakni sevar edi. — Oybek, Tanlangan asarlar

fl. Sevinmoq feʼlining birgalik nisbati.

ot 1. Qarama-qarshi jinsdagi odamlarning (er va xotin, yigit va qizning) bir-biriga nisbatan chuqur intim, chin qalbdan va fidokorona iliq munosabat tuygʻusi; ishq, muhabbat.

Sevgi pulga sotilmas, koʻngil pulga topilmas. — Maqol

Muhabbat uning [Gulnorning] yuragini har kun yana chuqurroq egallab, dardini kuchaytirgach, sevgining chin maʼnosini tushuna boshlagandi. — Oybek, Tanlangan asarlar

Sevgi odamning yuragiga tiniqlik, nur, koʻngliga ezgu orzular soladi deyishadi. — S. Ahmad, Sud

Sevgini tortib boʻlarmi Toshu tarozu bilan — E. Vohidov, Muhabbat

2. Biror yaqin kimsa yoki narsaga nisbatan mehr-sadoqat, mehr-muhabbat tuygʻusi.

Vaqtim chogʻ etgan — Vatan sevgisi! Koʻksim togʻ etgan — Vatan sevgisi! — Yo, Mirzo

sft. 1. Kishining koʻngil qoʻygan dildori; yor, maʼshuq(a), mahbub(a).

[Temirjon] Qanday boʻlmasin, sevgilisining qoʻngʻiroqday tovushini eshitish dardida iztirob chekar, yuragi dam-badam hapriqib turardi. — J. Abdullaxonov, Oriyat

Sevgilim, seni deb kuydim qanchalar, Sevgilim, yurakda dardim limmo-lim. — Yoshlik

2. sft. Sevikli, sevimli, yaxshi koʻrgan.

Sevgili yor.

Hayot, quloqlari yonida sevgili ohangi birdan yangrab ketgandan, shodlik hayajoni bilan talpindi. — M. Ismoiliy, Fargʻona tong otguncha

sft. 1. ayn. Sevgili I.

Shu kelishgan, xushbichim, bashang kiyingan yigit, nazarida, xuddi sevikli Xoldorbekka oʻxshab ketdi. — K. Yashin, Hamza

2. Eng qadrli, sevimli.

Sevikli oʻrtoq. Sevikli oʻqituvchi.

Sevikli ustozning kutilmagandagi buyrugʻi Zulfiqorning hafsalasini pir qildi. — Mirmuhsin, Meʼmor

sft. 1. ayn. Sevgili 1.

Akramxon shu sevimli qizning seviklisi boʻlishni istar, ammo bunday baxtga erishish oson emasligini bilardi. — I. Rahim, Tinimsiz shahar

U [Zebo] sevib, sevimli boʻlganidan mamnun edi, baxtiyor edi. — Shuhrat, Shinelli yillar

2. Yoqtiradigan, yaxshi koʻradigan, suyukli.

Sevimli kasb. Sevimli musiqa.

Anvar har kim uchun sevimli va xushmuomalasi barchaga baravar edi. — A. Qodiriy, Mehrobdan chayon

Choy millionlab kishilarning sevimli ichimligidir. — Gazetadan