sft. 1. Qirrasi koʻp, qirrador.
Serqirra stakan. Serqirra tosh.
Olmosdek serqirra, oftobda choʻqqilari yarqirab turgan baland qorli togʻlar koʻzni qamashtirardi. — Mirmuhsin, Meʼmor
2. koʻchma Har taraflama, keng; mazmunga boy, sermazmun.
Serqirra isteʼdod. Serqirra olim.
Shoir ijodi shunchalik serqirra, serbaraka, serjiloki, hammasi haqida bir maqolada aytib oʻtishga aslo imkon yoʻq. — OʻTA
Zabardast olim Toshmuhammad Niyozovich Qoriniyoziyning murakkab va serqirra hayot yoʻli hammamiz uchun hayratomuz va ibratlidir. — Fan va turmush