араб. сайль – шиддатли оқим
suv hamda kuchli va uzoq davom etadigan jala, muzliklar va qor qoplamining shiddat bilan erishi va daryo oʻzaniga katta miqdordagi boʻsh chaqiq materialning oʻpirilib tushishi natijasida togʻ daryolari oʻzanlarida toʻsatdan yuzaga keluvchi, tuproq parchalaridan yirik tosh va palaxsalargacha boʻlgan togʻ jinslarining katta miqdordagi aralashmasidan iborat vaqtinchalik shiddatli oqim. Katta vayronaliklar keltirib chiqaradi. S. bilan kurashish tuproq va oʻsimlik qoplamini mustahkamlash, maxsus gidrotexnika inshootlari (mas., toʻgʻon) qurish yoʻli bilan olib boriladi. Hajmiga koʻra S. olti guruhga boʻlinadi: juda kichik - 1000 m³ dan kam; kichik – 1001-10000 m³; oʻrta – 10001-100000 m³; katta – 100001-1000000 m³; juda katta – 1000001-1000000 m³; gigant – 10000000 m³ dan ortiq.
Синонимы: сел оқими