ot 1. Shiddatli, kuchli yogʻin; jala.
Tomchi — sel boʻlmas, Dushman — el boʻlmas. — Maqol
May oyi tugab boryapti-yu, haliyam har kuni yom-gʻir, har kuni sel. — N. Aminov, Qahqaha
Bahor-da qattiq sel yogʻib, dala betini qatqaloq qopladi. — Gazetadan
2. Togʻli hududlarda shiddatli yomgʻirdan, jaladan yoki qor erishidan hosil boʻladigan, aholiga, xalq xoʻjaligiga katta zarar keltiradigan kuchli loy-suv oqimi.
Toʻsatdan kelgan sel oqimi Tollimarjon bosh korpusida qurilayotgan kotlovanga urilib, ishni taqqa toʻxtatib qoʻydi. — Gazetadan
Sel yuvib ketgan yoki yozning qattiq girdoblari yalagan taqir yerlarning mayda toshlari oyoq ostida gʻijirlardi. — S. Ayniy, Qullar
3. Goʻshtning suvi, qoni.
Seli bilan qovurilgan jigar.
Ha, mulla aka, quling oʻrgilsin kabob bor, yeysizmi? Seli jizillab turibdi. — Oybek, Ulugʻ yoʻl
Necha bor eʼtibor bergandirsiz, har qanday goʻsht tuzlanganda, seli chiqib ketadi. — K. Mahmudov, Oʻzbek tansiq taomlari
4. koʻchma Quyoshning kuchli harorati; quyosh nuri oqimi.
Quyosh seliga miriqib choʻmilgan yam-yashil dala barq uradi. — J. Abdullaxonov, Oriyat
Osmon begʻubor, tiniq, oftob seli goʻdak kulgisiday yoqimtoy edi. — O. Yoqubov, Koʻhna dunyo
5. koʻchma Sel tomchilari kabi shiddatli va behisob.
Miltiqlardan oʻq seli yogʻdirilib, ura sadolari qum sahrosini larzaga keltirdi. — J. Sharipov, Xorazm
6. koʻchma Biron-bir voqea-hodisaning, jarayonning kuchli, koʻpaygan holati, oqimi.
Gʻam seli.
Elmurod shunday oʻylar selida gʻarq boʻlib, uyqusi qochdi. — Shuhrat, Shinelli yillar
Yoshi yigirma ikkiga qadam qoʻyganda, Beruniyni ham hodisalar seli yumalatib, oʻzi bilan birga janubga olib ketdi. — M. Osim, Jayxun ustida bulutlar
- Sel boʻlmoq 1. Zavqlanib huzur qilmoq; yayramoq; erimoq. sekin bosh chayqamoq. — Dutor chalganimda, [Sulaymon] sel boʻlib oʻtirardi, — dedi Mehri ona. — A. Eshonov, DutorZubaydaning onasi qiziga yalinib-yolvorib, koʻzlaridan yosh sel boʻlib oqib, oʻkrab-oʻkrab yigʻlardi. — K. Yashin, Hamza
- Sel qilmoq Huzur baxsh etmoq, zavqlantirmoq, eritib yubormoq. Boltaboy suhbatning guli, qoʻshiq aytsa, odamni sel qiladigan, askiyada payrovdan chiqmaydigan yigit edi. — S. Ahmad, Qadrdon dalalarKuyning navosi ulfatlarni sel qildi. — M. Hazratqulov, Jurʼat