Поиск

fl. 1. ayn. Savalamoq.

2. Savagʻich bilan savab titmoq, yumshatmoq (paxta yoki jun haqida).

Paxta savamoq.

Ustaxonaga dam-badam toy paxta olib oʻtadigan aravakash paxta savab oʻtirgan qizlarga tegishgan boʻlib, ashulasini mavrididan burun avjga koʻtaradi. — A. Muxtor, Opa-singillar

Xira yomgʻir pardasidan tikilganda, qarichga kelib qolgan yashil gʻoʻza tuplarini jala, xuddi savagʻichda yung savaganday, qattiq savalayotganini koʻrish mum-kin edi. — H. Nazir, Soʻnmas chaqmoqlar

ot zool. Chumchuqsimonlar turkumiga mansub, rang-barang patli sayroqi qush.

Hozir bu ovozga tomlar va paxsa devorlardagi dakang xoʻrozlar qichqirigʻi, saʼva, bulbullar navosi qoʻshilishib, Qudratning xayolini olib qochdi. — H. Nazir, Soʻnmas chaqmoqlar

Ungurlarda sakraydi ohu, Naʼmatakda saʼva mitti jon. — A. Oripov

fl. 1. Xivich, qamchi, tayoq, govron kabi narsalar bilan ustma-ust urmoq, kaltaklamoq.

Keksa podachi shoʻxlik qilgan mollarni govron bilan savalab, uzun tayogʻini unda-munda qoʻyib ketmoqda. — H. Nazir, Soʻnmas chaqmoqlar

Ikki navkar ikki tarafdan oʻtkinchini ham, yosh-u qarini ham ayovsiz savalayapti. — S. Siyoyev, Avaz

— Quloqsiz bolani yaxshilab savalash kerak, — dedi-da, bir koʻzini qisib qoʻydi otasi. — Yoshlik

2. Zarba bermoq.

Dushmanni savalamoq.

3. Shiddat bilan yogʻmoq, tinimsiz quymoq (yomgʻir, qor, doʻl haqida).

Yomgʻir savalagan sayin chang-gʻuborli atrof-javonib tobora musaffolashmoqda, fayziyob boʻlmoqda edi. — Yoshlik

Uning [Elmurodning] quloqlarini yomgʻir aralash muzdek mayda doʻl savalay boshladi. — P. Tursun, Oʻqituvchi

Mashina qayiqday chayqalar, qor old oynani ayamay savalardi. — J. Abdullaxonov, Xonadon

4. koʻchma Tanqid qilmoq, kamchiliklarni roʻyirost aytmoq.

Uni [Sherzodni] majlisda rosa savalashdi. — Oʻ. Hoshimov, Nur borki, soya bor

Muxbirlarga rost gapni aytib boʻladimi? Rosa savalashadi [dedi kassir]. — Gazetadan

fl. Savalamoq feʼlining majhul nisbati.

fl. Savalamoq feʼlining orttirma nisbati.

fl. Savalamoq feʼlining birgalik nisbati.