Қидирув

ўзбекчасақланмоқрусчабыть осторожным, беречьсяинглизчаkeep anth.

Osal bolma saqlan ay qïlqï qadïr Эй қодир қилиғли, ғофил бўлма,

фл. 1. Эҳтиёт қилмоқ; эҳтиёткорлик билан (бирор жойда) асрамоқ, асраб-авайлаб ишлатмоқ.

Сандиқда пул сақламоқ. Омборда қиш учун ғалла сақламоқ.

Маҳсини уч кун ҳайитда кийиб, сақлаб қўйгандим, ана уни пуллаб, тагчарм оламиз. — Ойбек, Танланган асарлар

Мана, ўшал нафис гулингни Китобимда сақладим бир йил. — Т. Тўла

бутун орттирганини тишининг ковагида сақлаб тўплайди-да, бир жийрон қашқа от олади ва довондан сўнгги марта от миниб ўтади. — П. Турсун, Ўқитувчи

2. Ташқи таъсирдан муҳофаза қилмоқ; айниш, бузилиш-ёрилиш, нест-нобуд бўлишдан, барбод бўлишдан асрамоқ, эҳтиёт қилмоқ.

Оилани сақлаб қолиш учун, фарзандларим учун ҳаракат қилдим, лекин иложи бўлмади. — Газетадан

Арча тоғ ёнбағирларидаги тупроқни сув ва шамол эрозиясидан сақлайди. — Газетадан

3. Эҳтиёт қилиб, асли ҳолати, хусусияти ёки кўринишини ўзгаришсиз олиб қолмоқ.

Кампир холамиз бу сандиқларда энг олдин беҳи сақлаган бўлса ажаб эмас. — Х. Тўхтабоев, Ширин қовунлар мамлакати

Лайлонинг онаси. элликлардан ошган, лекин ҳали ҳам ўзини яхши сақлаган, зуваласи пишиқ аёл экан. — М. Қориев, Ойдин кечалар

Фикримизча, ҳар қандай шароитда жуфтлик хусусиятини сақлаган жуфт сўзлар луғатларда берилиши лозим. — ЎТА

4. Бирор кимсага атаб ёки бирор мақсад учун (буюм ёки емишларни) асраб қўймоқ.

Буларни кимга сақлаб қўйибсиз?

Сулувнинг миясига бир фикр келиб, михдай санчилди: отаси энг сўнгги кучини фақат қасос учун сақлаб олиб келган. — А. Мухтор, Қорақалпоқ қиссаси

Мен унақа кек сақлайдиганлардан эмасман. — С. Аҳмад, Ҳукм

5. Ҳимоя, муҳофаза, ғамхўрлик қилмоқ, қўриқламоқ.

Давлат чегараларини сақламоқ. Халқларнинг тинчлигини сақламоқ.

Бугунги кунда инсоният олдида ниҳоятда муҳим муаммо турибди, у ҳам бўлса, ер юзида тинчликни сақлаб қолиш. — Газетадан

Табиатни муҳофаза этиш, ҳайвонот дунёсини сақлаш ҳозирги даврда муҳим аҳамиятга эга. — Газетадан

6. Халос қилмоқ, қутқармоқ; омон қолдирмоқ.

Ўлимдан сақламоқ. Ҳалокатдан сақламоқ.

Менинг бурчим — ўлаётган одамнинг олдида бўлиш, — деди у, — эҳтимол, унинг жонини сақлаб қоларман. — К. Яшин, Ҳамза

Шунда Қиличқора айтибди: — Аждардан элни сақлайдиган мард топиладими? — Эртаклар

7. Бирор хатти-ҳаракатдан қайтармоқ, тўхтатиб қолмоқ, тиймоқ.

Ёмон сўздан сақла доим тилингни. — Нурали

8. Риоя қилмоқ, муайян ҳолатга амал қилмоқ; сукут сақламоқ.

Тартиб-одоб, интизом сақламоқ.

Жувон ўзини тартибга солиб бўлгунча, жойидан қимир этмай, одоб сақлаб турарди. — Ж. Абдуллахонов, Хонадон

9. Белги, из, нишона олиб қолмоқ.

Сақлаб қопти одам изларин Бу тоғларнинг мусаффо қори. — Ш. Раҳмон

Бу осори атиқалар ўзида ўтмиш нафасини сақлаб қолган. — Газетадан

Ҳар бир ўткинчининг қиёфасини ёдда сақлаб қолиш учун бутун фикр-у ўйлари, идрокларини бир нуқтага тўплаб турибдилар. — С. Аҳмад, Юлдуз

10. Доимий равишда қадрламоқ, эҳтиром билан эсламоқ.

У [Алимардон] чинакам санъатни қалбининг тўрида сақлашга қодир бўлган чинакам шинавандалар озмунча эмаслигини билмас, билишни хоҳламас эди. — Ў. Ҳошимов, Қалбингга қулоқ сол

11. Асрамоқ, боқмоқ, тутмоқ.

Хизматчи сақламоқ. Қуш сақламоқ.

ўзбекчасақламоқрусчасохранятьинглизчаsave

Bu saqlïq bilä kör elin saqladï Ogohlik bilan elni saqladi – Он сохранил свое государство благодаря этой осторожности – He preserved his state with his carefulness

фл. Сақламоқ феълининг ўзлик ва мажҳул нисбатлари.

asırandı, saqlap alınģan

Ўз-ўзини ҳимоя қилиш; муҳофаза, ҳимоя.SAKLANMA