Изоҳли луғат
· яна 6 та луғатда
от Узунлиги 1,5 метрдан 7 метргача бўладиган, дўппи, кулоҳ, телпак устидан ўраладиган сидирға мато, дока; мусулмон эркакларнинг бош кийими.
Салла ўрамоқ. Калла бошқа, салла бошқа. — Мақол
Эгнидаги ёʻл-ёʻл беқасам тўн, бошидаги оппоқ мисқоли салла унинг йигитлик кўркини яна ҳам очар эди — К. Яшин, Ҳамза
Қоровул чол ҳам бошидан салласини олмоқчи эди, чувалиб, оёғи остига тушди. — Н. Аминов, Қаҳқаҳа
- Бақа салла ёки қурбақа салласи Истеъмол қилиб бўлмайдиган заҳарли замбуруғ ўсимлигининг бир тури. Қаршидаги бўғоти тушиб, ўртаси емирилган, деворидан бақа салла ўсиб чиққан хароба бинолар — А. Қодирий, Ўтган кунлар
- Ичагингни (ёки ичак-чавоғингни) бошингга салла қилиб қўяман Дўқ-пўписа ибораси. Эсинг борида этагингни ёп, бўлмаса, ичак-чавоғингни бошингга салла қилиб қўяман. — Ёшлик
- Пайтава салла [Холисхон:] Пайтава саллалардан ўлиб бўлдим. Ухлаб ётибди, денг. Ҳамза, — Паранжи сирлари