Qidiruv

ot 1. Harbiylarning yoki umuman kishilarning va narsalarning maʼlum tartibda tizilishi, muntazam qatori.

Saf tortmoq. Bir safga tizilmoq.

Shov-shuv, gʻala-gʻovur birdan bosilib, hamma safga turdi. — O. Yoqubov, Izlayman

Dushman safi buzilib, har tomon toʻzib ketdi. — Nurali

Yoʻlning ikki chetida uzun mirzateraklar saf tortgan. — N. Aminov, Suvarak

2. koʻchma Biror jarayon, faoliyatning eng qizgʻin oʻrni.

Har bir vijdonli odam bu kurashning oldingi safida bormogʻi lozim. — Gazetadan

3. koʻchma Biror guruhga mansub kishilarning majmui, qatori.

Hozirgi dolzarb kunlar masʼuliyati har bir kishining oʻrni paxtazorda, terimchilar safida boʻlishini taqozo etmoqda. — Gazetadan

Minglab abituriyentlar talabalar safiga qoʻshilish uchun sinov imtihonlaridan oʻtishyapti. — Gazetadan

ot 1. Begʻubor tozalik, musaffolik, soflik.

Inson tugʻilmoqda — yangi bir odam Koʻz ochdi tongotar safosi bilan. — J. Jabborov

Oʻzbek tuprogʻidan kelibman bu bor, Sengadir oshifta qalbim safosi. — A. Oripov, Yillar armoni

2. Xursandchilik kayfiyati, nashʼu namo; huzur, gasht.

Kayf-u safo qilmoq.

[Guli:] Gʻazalkim, soʻzlagay mehr-u vafodin. Gʻazalkim, soʻzlagay ishqdin, safodin. — Uygʻun va I. Sulton, Alisher Navoiy

Butun umrin kechirib kayf bilan, safo bilan, Ishi boʻlmagan ekan oʻtkinchi dunyo bilan. — E. Vohidov, Muhabbatnoma

3. Safo (erkaklar ismi).

ot 1. Xizmat yoʻli bilan yoki sayohat qilish, uchrashish maqsadida biror yerga borish; yoʻl.

Uzoq safar. Bir oylik safar. Safarga chiqmoq. Safarga otlanmoq. Safardan qaytmoq. Doʻst safar-da sinalar. — Maqol

Sidiqjon ikki kundan keyin safar hozirligini koʻrib, tushga yaqin yoʻlga chiqdi. — A. Qahhor, Qoʻshchinor chiroqlari

Bir-ikki oylik safardan qaytib kelsam, uyimda anchagina xatlar yigʻilib qolibdi. — Shukrullo, Javohirlar sandigʻi

Safaring bexatar boʻlsin, savdogar, Eson-omon kelgin Xitoy elidan. — Oysuluv

2. Gal, marta; bor.

Oʻtgan safar. Bu safar. Har safar.

Har safar haqqushning nolasi eshitilsa, Gavhar ayasining pinjiga kirib ketar edi. — Oʻ. Hoshimov, Qalbingga quloq sol

Kimdir boʻgʻilib baqirdi. Bu safar Charos aniq eshitdi. — Oʻ. Hoshimov, Qalbingga quloq sol

ot Odam jigaridagi bezlar orqali muntazam ishlab chiqiladigan koʻkimtir sariq suyuqlik; zarda, oʻt.

Safro odatda jigardan oʻn ikki barmoqli ichakka oqib tushib, soʻngra ingichka ichakka oʻtadi. — N. Ismoilov, Kasallarni parvarish qilish

sft. Xursandlik kayfiyatini bagʻishlovchi, safo baxsh etuvchi; safobaxsh, gashtli.

Safoli tun.

Gʻulomjonning safoli ovozi har tanga shirin jon boʻlib, har ongga oydin on boʻlib kirib bordi. — M. Ismoiliy, Fargʻona tong otguncha

Kuy., qanchalar safoli kuy bu! Sadolangan qaysi gulshanda! — M. Ali, Gumbazdagi nur

rvsh. Galgi, navbatdagi.