Қидирув

фл. Сачрамоқ феълининг орттирма нисбати.

фл. 1. Парчаланиб отилмоқ; сочилмоқ. Балчиққа кесак отма, юзингга сачрайди. Мақол.

Машина ўтганда, лой, сув сачрайвериб, деворлар шалтоқ бўлиб кетган. — Э. Усмонов, Ёлқин

Отларнинг тақаси тош ёʻлга урилганидан, гоҳо учқунлар сачрарди. — Шарқ юлдузи

Ой чиқди. Сербулут осмон худди сиёҳ сачраган зангори кўйлакка ўхшарди. — С. Аҳмад, Уфқ

2. Ирғимоқ, сакрамоқ.

Тўғонбек тоқати тоқ бўлиб, сачраб ўрнидан турди. — Ойбек, Навоий

3. Боши ёки гавдасини кескин ҳаракатлантирмоқ.

Отабек сачраб, Кумушга юз ўгирди: — Бу ўртага Зайнабни келтириб нимага тиқасиз энди? — А. Қодирий, Ўтган кунлар

Гавҳар, электр токи теггандай сачраб, унинг қучоғидан чиқди. — П. Қодиров, Уч илдиз

4. кўчма Қаттиқ-қаттиқ гапирмоқ, тўсатдан ўшқириб, ғазаб билан танбеҳ бермоқ.

Унинг [онасининг] сачрайдиган, болаларига бақирадиган одати ёʻқ эди. — М. Исмоилий, Одамийлик қиссаси

от Сочилган томчи, қипиқ ва парчалар.

от бот. Ҳаворанг гулли кўп йиллик бегона ўт (халқ табобатида фойдаланилади).

Қуёш шуъласи ялт этиб тегиши билан, сачратқи ўз тожбаргларини ёзади, ҳавони булут қопласа, гулларини юмиб олади. — Газетадан

фл. Сачратмоқ феълининг орттирма нисбати.