Поиск

ot Munofiqona xatti-harakat; ikkiyuzlamalik.

Qoʻshiqlarim bilmay gʻash, riyo, Oshkor kuldim, oshkor chekdim gʻam. — Zulfiya, Xayollar

Tuygʻular olamni paypaslab misli nogiron, Topganlari boʻldi jaholat, riyo. — A. Oripov, Yillar armoni

Faqir odamning dili ravshan, riyo va makrdan xoli, rahm-shafqatga limmo-lim boʻladi. — Gazetadan

Anvar samimiy va riyo aralash tabriklardan oʻngʻaysizlangan edi. — A. Qodiriy, Mehrobdan chayon

ot Munofiqona ish qiluvchi, munofiqlarcha ish tutuvchi odam; ikkiyuzlamachi.

Men qornidan boʻlak gʻami yoʻq, riyokor, johil ulamolarni yomon koʻraman. — S. Siyoyev, Avaz

[Obidaxon:] Ey, sen riyokor, makkor! Bir toʻyni azaga aylantirib, magʻrur eding. Mana bu toʻy — abadiy. — S. Abdulla, Mavlono Muqimiy

— Shu bugunoq orani ochdi qilaman, riyokor xotin, — dedi Kamoliddin Nuriga. — S. Yunusov, Oson ishning ohi bor

ot 1. Qiyinchilik, mashaqqat, ogʻir mehnat, zahmat.

Nega meni yoʻqlamas doʻstlar, Bir doʻst, deya chekmas riyozat? Kimdir bugun holimga kular, Kimdir menga qilar xiyonat. — A. Poʻlkan, Izhor

Bu iztirob koʻnglini lahza sayin yuksaltirib borar, chekkan nihoyasiz riyozat va azoblari evaziga unga yupanch berar, hamdard boʻlmoqqa vaʼda etar edi. — X. Sultonov, Onamning yurti

Pedagog obroʻyini topish uchun chuqur bilim egallab, aql-u odob kasb etib, bir umr ha,yul riyozat chekmoq lozim. — R. Usmonov, Odobnoma

2. din. Dunyoviy ishlardan oʻzini, nafsini tiyib qiynalish, oʻzini qiynash; tasavvufda tariqatning asosiy shartlaridan biri.

Riyozatning natijasi — faqr-u fano, yaʼni ilohiy axloq sohibi boʻlish. — Gazetadan

ot

Abu Nasr vaqtini riyoziyot, handasa, falakiyot ilmlarini oʻrganishga sarf etar edi. — M. Osim, Jayxun ustida bulutlar

Darhaqiqat, Xudoyorbekning riyoziyotga aslo toqati yoʻq, uni otda chopish, qilich solish, bazm koʻproq qiziqtirardi. — Mirmuhsin, Meʼmor

Bu maktablarda handasa, jugʻrofiya, riyoziyotdan saboq bermoqdalar. — S. Siyoyev, Avaz

ot 1. Munofiqlik bilan shugʻullanish, munofiqona xatti-harakat, ikkiyuzlamalik.

Riyokorlik qilmoq.

Nahotki u [Eson bobo] riyokorlik qilib, miltiqni yoʻqoldiga chiqarsa? [deb oʻyladi Nurillo] — S. Yunusov, Kutilmagan xazina

Momang riyokorlik bilan otamning koʻp pulini oldi. — Gulixiromon

2. Savobli, ezgu ishlarni, xususan xayr-ehsonni odamlar koʻrib maqtasin, deb manmanlik bilan amalga oshirish.

Salqin xona ichida oʻtirgan ustalarning birontasi ham Boysunqur yonida Ahmad Chalabiyning riyokorlik bilan aytayotgan gaplariga javob tariqasida biron soʻz aytisha olmadi. — Mirmuhsin, Meʼmor

rvsh. Riyokorlik bilan, ikkiyuzlamalik bilan; munofiqona.

Riyokorona ish tutmoq. Riyokorona xatti-harakat.

Shunday ekan, riyokorona hayot kechirish bizning jamiyatimiz ahliga munosib emasligini har birimiz anglab yetmogʻimiz lozim. — Hayot va qonun