Қидирув

от 1. Яхши кўрган кишисини бировдан қизғаниш, кунчилик.

Севги бор ерда рашк бор. — Мақол

Кўксим-да яна юракни ўртовчи рашк аланга олди. — П. Қодиров, Уч илдиз

Сен дейсан, дилим пок, рашкдан йироқман. Сен ундинг, мен эса ҳануз тупроқман. — А. Орипов, Йиллар армони

2. Кўролмаслик, ғашлик, ҳасад.

[Канизак:] Биламан, мусобақадош икки кишидан бирининг ютуғи иккинчисининг рашкини эмас, ҳавасини, ғайратини келтириши керак. — А. Қаҳҳор, Қўшчинор чироқлари

Одамнинг икки душмани бўлса, биттаси — рашк, иккинчиси эса ўзини идора қила олмаслик. — С. Кароматов, Бир томчи қон

сфт. 1. Севгилиси, ёри ёки яхши кўрган кишисини ҳеч кимга ишонмайдиган, қизғанчиқ, кунчи.

У жуда рашкли эди.

2. Ҳасад қиладиган, кўролмайдиган; ҳасадчи.

Рашкли одам. Рашкли иш синдирар тиш. — Мақол

от Яхши кўрган кишисини бировдан қизғанувчи, рашк қилувчи киши.

Сен мени эркала дунёнинг энг гўзал сўзлари билан, Сен мени қизғангин энг рашкчи аёлнинг кўзлари билан. — Ёшлик

Ортиқнинг хаёлига ялт этиб рашкчи Собир келди: Хум-пар, жаҳл қилиб, чироқни ёқмай ўтирган бўлса-чи? — М. Мансуров, Ёмби

Агар хатлардан бирортаси ёзувчи бўлмаган одамнинг рашкчи хотини қўлига тушиб қолса борми, ўша уйда нима бўлишини кўз олдингизга кел-тира оласиз. — Шукрулло, Жавоҳирлар сандиғи

[Олима] Кийим танлашда, соч турмаклашда дидсиз, аммо тили бийрон, жанжалкаш, ўта рашкчи, қадам ташлашданоқ тажанглиги билиниб турадиган аёл. — С. Кароматов, Ҳижрон

от Рашк ва ҳасад, ўта кўролмаслик.

Чунки мен: Улар мени қолдириб, ўзлари созандаларга қўшилиб, бошқа тўйхонага боргандирлар, деб ўйлаб, рашк-ҳасад билан безовта бўла бошладим. — С. Айний, Эсдаликлар

Устод Қавом, гарчи ота-сининг яқин ошнаси бўлса ҳам, бу икки донгдор меъмор ўртасида азалий бир яширин рашк-у ҳасад мавжуд — Мирмуҳсин, Меъмор

сфт. Ортиқ даражада рашк қилувчи, қизғанчиқ.

Бадрашк эр.

Баъзилар жуда бадрашк бўлиб, ҳаёт ёʻлдошини эзади. — Газетадан