от 1. Ичидаги заряди ёнганда осмонга кўтариладиган, мушакбозликда ёки ҳарбий ишларда сигналлар бериш ва керакли жойларни ёритиш учун қўлланадиган снаряд; мушак.
Қишлоқнинг кун ботиш томонидаги ўрмон бурчагидан икки марта оқ ракета отилди. — И. Раҳим, Чин муҳаббат
2. Реактив куч таъсирида ҳаракатланадиган учувчи аппарат.
Тинчлик мақсадида қўлланадиган ракеталар. Жанговар ракеталар.
Космонавтикага ракета техникаси ёʻл очди. — Фан ва турмуш
Ракета тепага кўтарилиб, берилган орбита бўйлаб учиш ўрнига, одамларнинг боши устида тариллаб тураверади. — Газетадан