Hayot Foundation лойиҳаси
Лойиҳа ҳақида
Ўз
Ўз

Қидирув

«раҳмсиз» бўйича 46 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик
Тилдан
Ўзбекча Инглизча Туркча
Тилга
Ўзбекча Русча Инглизча Қорақалпоқча Немисча Франсузча Арабча Туркча

Луғат мақолалари

17 та
раҳмсиз
Изоҳли луғат · яна 5 та луғатда

сфт. 1. Раҳм-шафқатни билмайдиган; бераҳм, шафқациз.

Раҳмсиз одам. Раҳмсиз суратда ишлатмоқ.

Шунинг учун меҳнаткашни раҳмсиз ишлатиб, мадрасалар бино қилмоқда, ариқлар чиқармоқда эди. — А. Қодирий, Меҳробдан чаён

Оҳ Олимжон, аягинанг ўлсин! Раҳмсиз отанг ўлсин. Нима қилди? Айт-чи ким урди? — Ҳамза, Танланган асарлар

2. кўчма Шафқацизликни ифодалайдиган, аямасдан, бераҳмларча қилинган.

Хушрўйнинг раҳмсиз муҳокамасидан оққан бу ҳақиқатлар Зайнабни йиғлатди. — А. Қодирий, Ўтган кунлар

Қайнатанинг қарашлари раҳм-сиз ва беаёв эди. — Ш. Рашидов, Қудратли тўлқин

Тўлиқ мақола →
раҳм
Изоҳли луғат · яна 6 та луғатда

от Аянч ёки мушкул аҳволдаги кимсага, нарсага нисбатан ачиниш туйғуси ва шундай туйғу таъсирида кўрсатилган шафқат, марҳамат.

Сизни оғзи қон бўри дедим, чунки сизда раҳм ёʻқ. — А. Қодирий, Ўтган кунлар

Бир кун ундан қит-тай раҳм тилаган аёлларимизни қўндоқ билан саваб бақирди. — Ойбек, Қуёш қораймас

  • Раҳм қилмоқ 1. Шафқат қилмоқ, марҳамат қилмоқ. [Ойиша бегим Бобурга:] Самарқанд сизга жангсиз дарвоза очмас, энди ўзингизга раҳм қилинг. Урушга борманг, ўтинаман! — П. Қодиров, Юлдузли тунларСизда одамият бўлса, бу ғариби нотавонга раҳм қилмаганингизда ҳам, анови шўрлик болаларнинг зорига раҳм қилишингиз керак эди. — М. Исмоилий, Фарғона тонг отгунчаБиров зулм қилса, биров раҳм қилар экан, биров ош берса, биров нон берар экан. — Ойдин, Садағанг бўлай, командир
  • Раҳми келмоқ Ачиниш ҳисси пайдо бўлмоқ, ачинмоқ; аямоқ; ёрдам бергиси келмоқ. Яланг бошидан кон оқаётган, йиртилган кўйлаги орасидан моматалоқ бадани кўриниб турган, ўзи чўкка тушиб, одамлардан шафқат сўраётган йигирма ёшлардаги йигитга Тоҳирнинг раҳми келди. — П. Қодиров, Юлдузли тунларХотин кишининг куз ёши ширин бўлади. Ёдгорнинг раҳми келди. Хотинини овутди. — Ў. Ҳошимов, Қалбингга қулоқ сол
  • Раҳмини келтирмоқ Кимсада ачиниш, аяш ҳиссини туғдирмоқ, пайдо қилмоқ. Баширжон одамнинг раҳмини келтирар даражада юпун, одмигина кийиниб, Шамси Тўраевичникига ёʻл олди. — Н. Аминов, Суварак
Тўлиқ мақола →
раҳмсизлик
Изоҳли луғат · яна 2 та луғатда

от Раҳм-шафқатни билмаслик, бераҳмлик.

Болаларни шаддодликка ўргатмангиз, Раҳмсизлик, бедодликка ўргатмангиз, То улғайиб, дуч келганда инсонларга, Ўхшамасин андишасиз шайтонларга. — Э. Воҳидов, Муҳаббатнома

Тўлиқ мақола →

Ҳаммасини кўриш · 17 →

Таърифлар ичида

27 та

Ҳаммасини кўриш · 27 →

Эртаклар

1 та
Шаҳзода Асад
Халқ оғзаки ижоди

Шаҳзода Асад амакисининг ҳийласи туфайли тахтдан маҳрум бўлиб, сургун қилинади. У саргузаштлар давомида маликани қутқариб, ўзининг мардлиги ва адолатпарварл

Шева материаллари

1 та
пашшап
Самарқанд вилояти · жаллод

1. Хива хонининг жаллоди; 2. раҳмсиз, бағритош, шафқациз, золим