Qidiruv

«rah» boʻyicha 179 ta natija: Izohli

Filtr

Boʻlim

Lugʻatlar Ertaklar Shevalar

Lugʻat turi

Izohli Tarjima Terminologik Frazeologik

Lugʻat maqolalari

38 ta

rahm

Izohli lugʻat

ot Ayanch yoki mushkul ahvoldagi kimsaga, narsaga nisbatan achinish tuygʻusi va shunday tuygʻu taʼsirida koʻrsatilgan shafqat, marhamat.

Sizni ogʻzi qon boʻri dedim, chunki sizda rahm yoʻq. — A. Qodiriy, Oʻtgan kunlar

Bir kun undan qit-tay rahm tilagan ayollarimizni qoʻndoq bilan savab baqirdi. — Oybek, Quyosh qoraymas

Rahm qilmoq 1. Shafqat qilmoq, marhamat qilmoq. [Oyisha begim Boburga:] Samarqand sizga jangsiz darvoza ochmas, endi oʻzingizga rahm qiling. Urushga bormang, oʻtinaman! — P. Qodirov, Yulduzli tunlarSizda odamiyat boʻlsa, bu gʻaribi notavonga rahm qilmaganingizda ham, anovi shoʻrlik bolalarning zoriga rahm qilishingiz kerak edi. — M. Ismoiliy, Fargʻona tong otgunchaBirov zulm qilsa, birov rahm qilar ekan, birov osh bersa, birov non berar ekan. — Oydin, Sadagʻang boʻlay, komandir
Rahmi kelmoq Achinish hissi paydo boʻlmoq, achinmoq; ayamoq; yordam bergisi kelmoq. Yalang boshidan kon oqayotgan, yirtilgan koʻylagi orasidan momataloq badani koʻrinib turgan, oʻzi choʻkka tushib, odamlardan shafqat soʻrayotgan yigirma yoshlardagi yigitga Tohirning rahmi keldi. — P. Qodirov, Yulduzli tunlarXotin kishining kuz yoshi shirin boʻladi. Yodgorning rahmi keldi. Xotinini ovutdi. — Oʻ. Hoshimov, Qalbingga quloq sol
Rahmini keltirmoq Kimsada achinish, ayash hissini tugʻdirmoq, paydo qilmoq. Bashirjon odamning rahmini keltirar darajada yupun, odmigina kiyinib, Shamsi Toʻrayevichnikiga yoʻl oldi. — N. Aminov, Suvarak

Toʻliq maqola →

rahim

Izohli lugʻat

sft. 1. Mehribon, shafqatli, rahmdil (Ollohning sifatlaridan biri).

Xudoyo xudovando, yakka-yu yagonaliging, rahim va rahmonliging haqqi, mendek bir balokash, gunohkor ojiza bandangdan marhamatingni darigʻ tutmagaysan. — K. Yashin, Hamza

2. Rahim (erkaklar ismi).

Toʻliq maqola →

rahbar

Izohli lugʻat

ot 1. Biror davlat, tashkilot, guruh, jamoa va shu kabilarga yoʻl koʻrsatib, boshchilik qilib boruvchi, rahbarlik qiluvchi; yoʻlboshchi, rahnamo.

Hukumat rahbarlari. Rahbar xodim.

Mustaqillik sharoitida yashash har bir rahbar, fuqaro zimmasiga ulkan masʼuliyat ham yuklaydi. — Gazetadan

Bugun boshqaruv tizimiga millati, elati, urugʻidan qatʼiy nazar, el ishonchiga sazovor boʻlgan rahbarlar kirib kelmogʻi zarur. — Gazetadan

2. Taʼlim-tarbiya beruvchi, yoʻl-yoʻriq koʻrsatuvchi; ustoz.

Musiqa rahbari. Ilmiy rahbar. Yaxshi rahbar — chin padar. — Maqol

Rejissyor ijodiy tashkilotning ham gʻoyaviy, ham badiiy rahbaridir. — Gazetadan

Sinf rahbari Sinf bolalarining oʻzlashtirishini va intizomini kuzatib borish va ularga doimiy rahbarlik qilib turish uchun birkitilgan oʻqituvchi. Sinf rahbarimiz aqlli, dono ayol. Men sinf rahbarim bilan bamaslahat ish qilaman.

Toʻliq maqola →

rahmat

Izohli lugʻat

ot 1. Tashakkur va minnatdorchilikni ifodalovchi soʻz.

Katta rahmat! Otangga rahmat!

— Rahmat!— Muqaddam unga mehr bilan tikilib qolganini payqab, darrov koʻzlarini yashirdi. — Oʻ. Hoshimov, Qalbingga quloq sol

2. Tashakkur, minnatdorchilik, shukronalik.

Kim yaxshilik urugʻini sepsa, rahmat hosilini oladi. — Gazetadan

[Oyimxon] Madaminning xotinlarining hovlisini supurib, suvini tashib bergan, ammo rahmat oʻrniga qargʻish va jerkish eshitgan. — P. Tursun, Oʻqituvchi

3. din. Marhamat, muruvvat.

[Hidoyat oʻz-oʻziga:] Xudoyo, rahmatingdan oʻrgilay, oshxoʻrga — osh, nonxoʻrga non yetkizursan. — Hamza, May-saraning ishi

Rahmat aytmoq Minnatdorchilik bildirmoq. Muborak Nabijonga rahmat aytib xayrlashdi-da, yosh boladay likillab, chopqillab ketdi. — S. Zunnunova, Koʻk chiroqlarU qayta-qayta rahmat aytib, meni mashinaga kuzatib qoʻydi. — S. Siyoyev, Yorugʻlik
Xudo rahmat qilsin (yoki rahmatiga olsin) Xudo oʻz marhamatiga sazovor qilsin (vafot etgan kishi haqida). Xudo rahmat qilsin. Oʻzi ham xatini olib, muhrga qarab qolgan ekan-da bechora. Hay, nachora, bandalik ekan — deb qoʻydi. — K. Yashin, Hamza

Toʻliq maqola →

rahmli

Izohli lugʻat

sft. Birovga rahm qiladigan; koʻngli yumshoq, rahmdil.

Rahmli odam.

Toʻliq maqola →

rahmdil

Izohli lugʻat

sft. Birovga ozor bermaydigan; koʻngli yumshoq, rahmli, shafqatli.

Rahmdil odam,

Ilgari odamlar ancha sodda, rahmdil, moʻmin ekanini, ayniqsa, oʻzining tengdoshlari quvlik — shumliklardan uzoq, insofli, farishtasi bor odamlar ekanini dilidan oʻtkazdi. — Mirmuhsin, Meʼmor

Hozir koʻzimga Sulton amaki har vaqtdagidan koʻra gʻamxoʻr, rahmdil koʻrinib ketdi. — H. Nazir, Yonar daryo

Zohir shayx, ogʻasidek ruhoniy boʻlgani bilan, ogʻasi kabi arzimagan narsaga lovullab ketadigan tajang, jahldor emas, koʻngilchan, rahmdil kishi edi. — S. Siyoyev, Yorugʻlik

Toʻliq maqola →

Hammasini koʻrish · 38 →

Ertaklar

119 ta

Aldarkoʻsa va boy

Xalq ogʻzaki ijodi

Aldarkoʻsa yoʻlda ketayotib, oʻzining ustidan kulmoqchi boʻlgan takabbur boyga duch keladi. Aldarkoʻsa oʻzining zukkoligi bilan boyni qanday aldashni oʻylab top

Aql bilan baxt

Xalq ogʻzaki ijodi

Aql va Baxt doʻst boʻlib, bir oʻtinchining hayotiga aralashadi. Baxt oʻtinchiga omad keltirsa, Aql unga qiyin vaziyatlardan chiqishga yordam beradi.

Aql bilan davlat

Xalq ogʻzaki ijodi

Ushbu ertakda Aql va Davlat oʻrtasidagi bahs tasvirlangan boʻlib, ulardan qaysi biri hayotda muhimroq ekanligi sinovdan oʻtkaziladi. Hikoya davomida bir bolanin

Aqlli ilon

Xalq ogʻzaki ijodi

Bu ertakda bir chol va uning uyida yashovchi ilon haqida hikoya qilinadi. Ilonning bolasi tushib qolgach, chol uni qutqaradi va ilonning aqlliligiga guvoh boʻla

Aqlli, idrokli, zehnli

Xalq ogʻzaki ijodi

Uch aka-uka otasidan qolgan oltinni boʻlishish uchun yoʻlga chiqadi. Yoʻlda uch yigit oʻzlarining aql-idroki bilan bir tuyakash va qozini hayratda qoldiradi.

Arab laqqi

Xalq ogʻzaki ijodi

Kambagʻal chol Arab laqqi podshoh saroyida xizmat qilib yuradi. Uning hayoti kutilmaganda yaxshi tomonga oʻzgaradi va boyib ketadi.

Hammasini koʻrish · 119 →