fl. 1. Suvi, suyuqlik qismi kamayib, quyuq holga kelmoq, quyuqlashmoq.
Mastava qaynayverib, quyulib qolibdi. Murabbo ancha quyulib qolibdi.
2. Bir yerga koʻp miqdorda yigʻilmoq, toʻplanib qalinlashmoq.
Tuman tobora quyulmoqda.
Bu bulutlar tobora quyulib, qorayib bormoqda. — A. Muxtor, Opa-singillar
3. koʻchma Oʻzini tutib, qoʻlga olib, ogʻir, vazmin boʻlib qolmoq, yengiltaklikdan qutulmoq.
Qarib quyulmagan, achib suyulmagan. — Maqol
Texnikumda oʻqib yurganimda, [Alijon] kuniga yoʻlimni toʻsardi, oʻldim-kuydim, deb naq hol-jonimga qoʻymasdi.
Koʻnglimda, bola-chaqalik boʻlib quyular, degan edim. — H. Nazir, Oʻtlar tutashganda
— Qanaqa qiliq bu? Qartaysangiz ham quyulmaysiz, — deb jerkib berdi buvim. — H. Nazir, Yaxshi ism