Qidiruv

fl. 1. Meʼda ichidagi narsalarni gʻayriixtiyoriy ravishda ogʻizdan tashqariga chiqarib tashlamoq; qayt qilmoq.

Koʻnglim aynib, bir oz qusdim.

Oʻzbek oyim jom ushlagan, Kumush jomga oʻqchib qusar edi. — A. Qodiriy, Oʻtgan kunlar

2. koʻchma s.t. Olganini, oʻzlashtirganini qaytarmoq.

Yemoqning qusmogʻi boʻladi, domla. Bu dunyoning ishlarini juda ham joʻn bilmang. — H. Gʻulom, Mashʼal

ot Umurtqalilarning tanasi par va patlar bilan qoplangan, uchishga layoqatli bir sinfi; parranda.

Suv qushlari. Choʻl qushlari. Oʻrmon qushlari. Uy qushlari. Sayroqi qushlar. Ov qushi. Qush uyasida koʻrganini qiladi. — Maqol

Qush tilini qush biladi. — Maqol

Qushga ketgan kishi qushni olib keldi. Ovchilar otlanishdi. — A. Qahhor, Xotinlar

ot Qayt qilib tashlangan narsa (ovqat, safro va shu kabilar).

Bu gal qusuq boyagi qatiq aralash koʻkimtil va sargʻimtil narsalar edi. — A. Qodiriy, Oʻtgan kunlar

Qusugʻiga yonboshlagan bir badmast, razil-past. — Gʻ, Gʻulom

ot Meʼyoriylikni buzuvchi belgi; kamchilik, nuqson.

Inson oʻz umrini oʻylasa koʻp vaqt, Qiynaydi oʻzidan oʻtgan qusurlar. — A. Oripov, Yillar armoni

U biron qusurni koʻrsa, ochiq aytadi. — Sharq yulduzi

ot Ov qushlari yoki sayroqi qush boqish, parvarish qilish bilan shugʻullanuvchi kishi, qush ishqibozi.

Shu toʻriq otga Murodxonni mindirib, qancha sipohi beklar hamroh boʻlib, qushbozlar olgʻir qushlarni qoʻllariga qoʻndirib [yoʻlga tushdi]. — Murodxon

ot Qush soʻzidan kichraytirish shakli.