Qidiruv

«qovuril» boʻyicha 18 ta natija

Filtr

Boʻlim

Lugʻatlar Ertaklar Shevalar

Lugʻat turi

Izohli Tarjima Terminologik

Tildan

Oʻzbekcha Inglizcha

Tilga

Oʻzbekcha Ruscha Inglizcha Qoraqalpoqcha Nemischa Turkcha

Lugʻat maqolalari

11 ta

qovurmoq

Izohli lugʻat · yana 6 ta lugʻatda

fl. 1. Qizigan yoqqa solib pishirmoq.

Baliq qovurmoq. Kartoshka qovurmoq.

U bir qoshiq yogʻni qozonga solib, piyoz qovurdi. — Oydin, Gulsanam

Zumrad oshning zirvagini qovurib, guruchni ivitib qoʻyib, qarab oʻtirdi. — S. Siyoyev, Otliq ayol

2. koʻchma Iskanjaga olib qattiq siqmoq, koyimoq, taʼzirini bermoq; jazolamoq.

Avzoyidan hozir yacheyka kotibini chaqirib, toza qovuradigan koʻrinar edi. — A. Qahhor, Sarob

3. koʻchma Oʻtday kuydirmoq, oʻrtantirmoq, oʻrtamoq.

Ya na oʻsha qalbni bir umr asir etib aldab, dogʻiga qovurgan goʻzal bir siymo, sohira qiz [Ahmadjonning] koʻz oldiga keldi. — F. Nasriddinov, Koʻngil

Jigarim qovurdi koʻzingdagi oʻt! — Yo, Mirzo

Toʻliq maqola →

qovurilmoq

Izohli lugʻat · yana 2 ta lugʻatda

fl. Qovurmoq feʼlining majhul nisbati.

Toʻliq maqola →

qovurgʻa

Izohli lugʻat · yana 5 ta lugʻatda

ot 1. anat. Umurtqadan chiqib, koʻkrak suyagiga egilib keladigan, koʻkrak qafasini tashkil qiladigan yoysimon ensiz suyak.

Mana, uring, sindiring qovurgʻamni! Qoʻrqmay qoʻya qoling, arz qilmayman. — A. Qahhor, Asror bobo

2. koʻchma maxs. Bino, inshoot va shu kabilarning mustahkam tutib turish uchun xizmat qiladigan qismi, yonma-yon biriktirilgan uzun-uzun qismi.

Panjaraning qovurgʻalari.

Quyosh qizdirayotgan alleyalar boʻsh, skameykalarning oq qovurgʻasi oftobda yaltiraydi. — P. Qodirov, Uch ildiz

Yetim qovurgʻa Koʻkrak suyagiga kelib yopishmagan qisqa qovurgʻa. Insonning yetti juft chin qovurgʻasi, besh juft yetim qovurgʻasi boʻladi.
Qovurgʻasi koʻrinib (yoki sanalib) qolmoq Juda ozib ketmoq. Joʻraning koʻzlari choʻkib, qovurgʻalari sanalib qoldi, har kun qamchi, har kun azob — H. Shams, Dushman
Qovurgʻasi bukilmagan (yoki sinmagan) Yap-yangi, hali tutilmagan, ezilmagan (qogʻoz pul haqida). Hakim akamlarning choʻntaklariga qovurgʻasi sinmagan chervonlarni tushirdim. — B. Rahmonov, Xoʻjayin koʻchdiChoʻntaklari qovurgʻasi bukilmagan yuztaliklarga toʻla. — Tanish basharalar
Qovurgʻasi qayishmoq

Toʻliq maqola →

qovurma

Izohli lugʻat · yana 4 ta lugʻatda

ot 1. yeft. Qovuriladigan, yogʻda qovurib pishiriladigan; qovurilgan.

Qovurma chuchvara.

Momaga beringlar qovurma goʻshtni. — Shirin bilan Shakar

2. ot Goʻsht hamda kartoshka, piyoz va boshqalar sabzavotlardan qovurib, ozroq suv quyib, dimlab pishiriladigan quyuq taom; qovurdoq.

Ikki katta tovoqda qovurma olib chiqildi. — Sh. Rizo, Qor yogʻdi, izlar bosildi

Qovurma juda antiqa boʻlgan ekan, gapning ochigʻini aytsam, bunaqa shirin goʻshtni umrimda yemagan edim. — S. Ahmad, Sher

Qovurma palov
Qovurma shoʻrva Hamma masalliqni oldin qovurib olib, soʻngra suv quyib tayyorlanadigan shoʻrva. Gʻozi achchiq qovurma shoʻrvani ichib, bir oz oʻranib yotgach, terladi. — I. Rahim, Ixlos

Toʻliq maqola →

qovurdoq

Izohli lugʻat · yana 5 ta lugʻatda

ot Baʼzi masalliqlardan qovurib tayyorlangan taom.

U kungi qoʻziqorin qovurdogʻi goʻsht qovurdogʻidan ham taʼmliroq tuyildi. — S. Ayniy, Esdaliklar

Qoʻy soʻyilib, mehmonlarga yaxshi qovurdoq bilan tushlik berilgandan keyin, Xatib domla mulla Obidning ekinlarini oralashga orzu bildiradi. — A. Qodiriy, Obid ketmon

Toʻliq maqola →

qovurgʻali

Izohli lugʻat

sft. Qovurgʻasi bor; qovurgʻa solingan.

Toʻliq maqola →

Hammasini koʻrish · 11 →

Ertaklar

2 ta

Gʻulombachcha

Xalq ogʻzaki ijodi

Kambagʻal kampirning oʻgʻli Gʻulombachcha podshoh qiziga qul qilib sotiladi va u bilan birga oʻqib, bir-biriga mehr qoʻyadi. Podshoh qizi Gʻulombachcha va boshq

Yolgʻon

Xalq ogʻzaki ijodi

Ushbu ertakda yolgʻon gapirishga usta boʻlgan aka va sodda ukasi oʻrtasidagi munosabatlar tasvirlanadi. Aka oʻzining topqirligi bilan ukasini bir necha bor oʻli