«қотир» бўйича 40 та натижа: Изоҳли
от 1. Баданда пуфакчалар ҳосил қилиб, қаттиқ қичиштирадиган юқумли тери касаллиги.
Тиқилинч ва ифлос жойларда, ётоқларда яшовчи кишилар турли терлама, қўтир ва бошқа шунга ўхшаш юқумли касалликларга дучор бўладилар. — Н. Исмоилов, Касалларни парвариш қилиш
2. Шундай касалликка ёʻлиққан.
Қўтир бола. Қўтир эчки.
Писмиқ, эгасидан хўп калтак еб, яна билтанглаб қолган қўтир итдек, эгилиб-букилиб, ерга сирпангандек бўлиб инқиллади. — М. Исмоилий, Фарғона тонг отгунча
фл. 1. Нами, суви қочиб, қаттиқ ҳолга келмоқ, қаттиқ бўлмоқ; зид. юмшамоқ.
Алебастр тез қотади. Елим қуриб, қотиб қолибди. Қотган нон. Хамир тошдек қотибди.
Улар ўз қадамларининг тарашадай қотган ер билан уришиб тарақлашидан бўлак шарпа эшитмасдилар. — П. Турсун, Ўқитувчи
— Хизмат ҳақини аллақачон олганмиз, — деди куракчасидаги қотиб қолган лойни тозаларкан. — Н. Аминов, Суварак
2. Қимирлаш, ҳаракатланиш хусусиятини ёʻқотмоқ (тана аъзолари ҳақида).
Гардани қотмоқ.
Эрталабки гимнастика шалпайиш ва қотиб қолганликни ёʻқотади, қон айланишини тезлаштиради — Газетадан
Кела-келгунча машинада ўтиравериб, бели қотиб кетган Ҳожимурод у ёқ-бу ёққа юриб, чигилини ёзмоқчи бўлди. — С. Аҳмад, Жимжитлик
3. кўчма Қўрқув, ҳайрат ва бошқалар сабаб билан ҳаракатини тўхтатиб, қимир этмаган ҳолда бўлмоқ.
У на юришини, на юрмасини билмай, жойида тек қотди. — М. Ҳазратқулов, Журъат
Саратонда муаллақ қотган ҳаво ғубори шабнам билан яна ўз онаси — тупроқ оғушига оҳиста чўкди. — Саодат
Охунд билан қори бошлари ерга теггудек бўлиб, таъзимда қотган эдилар. — С. Сиёев, Аваз
4. кўчма Ҳаракациз, ривожланишсиз ҳолда бўлмоқ.
Адабиёт қотиб қолган нарса эмас.
У эски, сунъий ёʻлдан юрган, шеърда қотиб қолган, ҳозирги ҳаёт маъносини тушунмайдиган қалбаки шоирларга қамчин сола бошлади. — Ойбек, Нур қидириб
Бу домла [Салимхон Обидий] қотиб қолган одам., профессор унвонини ўша вақтда олиб қолди-ю, йигирма йилдан буён ҳеч нима қилгани ёʻқ. — Мирмуҳсин, Умид
5. Қаттиқ совқотмоқ, тўнгмоқ, музламоқ.
Совуқдан боланинг оёқ-қўли қотиб кетибди.
Қотиб ўласанми, ҳароми, исинмасанг нима қилади? — Ойдин, Ҳазил эмиш
6. Пишиқмоқ, чиниқмоқ.
Унинг тани қуёшда қорайди, мускуллари қотди.
7. кўчма Тўхтовсиз, қаттиқ кулмоқ ёки йиғламоқ.
Унинг гапига роса қотдик. Бола қотиб-қотиб йиғлар эди.
Алексей ва Элмурод унинг ҳикоясини ҳузур қилиб тинглаб, кула-кула қотдилар. — П. Турсун, Ўқитувчи
Бобом кулгидан қотиб қолади. — Ойбек, Болалик
8. Қаттиқ уйқуга кетмоқ; донг қотмоқ.
бизнинг қисм командири меҳмондорчиликдан саҳар пайтида келиб, қотиб қолган экан. — Т. Рустамов, Мангу жасорат
9. шв. Аралаштирмоқ, қориштирмоқ, қормоқ.
Бориб кирсам майдонга, Аччиғим тарқацам, деб. Душманларнинг қонини Бўз тупроққа қоцам, деб. — Равшан
10. Жуда озмоқ, ориқламоқ.
Болам бечорани тинч қўясанми, ёʻқми? Еган-ичгани татимай, кундан-кунга турнадек қотиб кетяпти ўзи. — О. Ҳусанов, Най
фл. 1. Қотмоқ феълининг орттирма нисбати.
Нон қотирмоқ. Совуққа қотирмоқ.
Гўштни, пиширмай, қотирмай, учаламиз еб бўлдик. — Эртаклар
Гоҳо тоғ томондан қуруқ ва аччиқ изғирин эсар ва қуёшда шилта бўла бошлаган қишлоқ кўчаларини даранглатиб қотириб ташлар эди. — П. Турсун, Ўқитувчи
Ёмғир ерни қотириб, захлатиб қўйди. — Ўзбекистон қўриқлари
2. кўчма с. т. Ўрнига келтириб ижро этмоқ, жуда яхши бажармоқ, қойил қилмоқ; ўринлатмоқ, дўндирмоқ, бопламоқ.
Ишни қотирмоқ. Гапни қотирмоқ.
Фелетонингизни ўқидим. Жуда қотирибсиз! — О. Ёқубов, Бир фелетон қиссаси
Уч жойга қотириб уй-жой қурдим — Муштум
Мен ундай қилдим, мен бундай қилдим, қотирдим, дўндирдим, деб осмондан келади. — А. Муҳиддин, Чап чўнтак
от Қаттиқ қилиб, қотириб тайёрланган.
Кампир бир неча қотирма кулчани зўрлаб Бектемирга тутқизди — Ойбек, Қуёш қораймас
фл. Қотирмоқ феълининг мажҳул нисбати.
от айн. Қотирма.
Эртакда отасидан сеҳрли пичоқ мерос қолган Эрназар исмли йигитнинг саргузаштлари ҳикоя қилинади. У акаларининг ҳасадидан қочиб, ўзига янги ҳаёт қуришга
Очликдан қийналган чол ўғрилик қилишга мажбур бўлади. Болалари гўшт еганини билиб қолмаслик учун чол ва кампир фойдали ёлғон ишлатишади.
Бу эртакда икки ака-ука, Ҳасан ва Ҳусан, саргузаштларга бой ҳаёт кечириб, турли мамлакатларда қаҳрамонлик кўрсатади. Улар ўзларининг жасорати ва топқирлиги
Қўқон подшосининг қимматбаҳо пиёласи синиб қолади ва уни тузатишга ҳеч ким қодир бўлмайди. Фақатгина бир кал шогирд ўзининг ақл-заковати билан бу муаммо
Шаҳзода Шавкат сирли кийикни қувиб, ўзга оламга тушиб қолади ва у ерда паризод Моҳистарага ошиқ бўлади. Бу саргузашт унинг ҳаётини бутунлай ўзгартириб
Ушбу эртакда бир подшоҳ қизини олтмиш оғиз ёлғон гапира оладиган одамга беришини э'лон қилади. Кал исмли йигит бу шартни бажариб, подшоҳнинг иккинчи с
оёқ кийими тикувчилар чармни уриб қотириш учун ишлатадиган асбоб.
панжага қўйиладиган қаттиқ нарса (чарм, картон)
қозонда ёғсиз пиширилган нон
қозонда ёғсиз пиширилган нон
