Қидирув

от 1. Асосан ёзиш, расм солиш, китоб, журнал, газета ва шу кабилар босиш ҳамда бошқа мақсадларда ишлатиладиган, ёғоч, эски-туски ва шу кабилардан тайёрланадиган юпқа материал.

Газета қоғози. Ёзув қоғози. Ўров қоғози.

Республикамизда қоғоз ишлаб чиқариш узоқ тарихга эга. — Фан ва турмуш

Ҳозир қоғоз, босмахона харажатлари учун пул етишмайди. — Ойбек, Танланган асарлар

Баъзида тап-тайёр мисраларни қоғозга туширишга шунчалик шошасанки, охирида ўз дастхатингни ўзинг ўқиёлмасдан қийналасан. А. — Обиджон, Аканг қарағай Гулмат

Бурчакдаги китоблар билан тўлиқ шкаф устида ўроғлиқ чертёж қоғозлари ётар эди. — Ў. Ҳо-шимов, Қалбингга қулоқ сол

Нажмиддин Бухорий ҳам қоғозларни ёзиб, лойиҳани, мадрасанинг баъзи бўлак тасвирларини кўздан кечирарди. — Мирмуҳсин, Меъмор

2. Маълум бир нарса, иш, воқеа-ҳодиса ва шу кабиларни қайд этувчи матн битилган ва қонуний кучга эга бўлган қоғоз; расмий ҳужжат.

Салимбойвачча қоғозни қўлда маҳкам сиқиб, ғурур билан давом этди: — Бу нарса қўлимдами, ҳар бир ишни қиламан, ҳеч ким бирон айбни бўйнимга қўя олмайди. Бу хат жиноятни савобга айлантиради. Ҳар ерда, ҳар ким олдида мени оқлайди. — Ойбек, Танланган асарлар

Бироқ кўрилган чоралар ҳақида юқорига қоғоз керак эди. — Газетадан

Мана бу қоғозга Мадраса муллабаччалари, домлалар, мударрис, бойлар, юрт улуслари имзо чекканлар. — К. Яшин, Ҳамза

3. Қоғоздан ишланган пул, қоғоз пул.

Кармонидан беш сўмлик қоғоз олиб, сандалга қўйди. — Ойбек, Танланган асарлар

— Ҳа, айланай, оҳори синмаган қоғозлар ҳамманиям ҳушини қочиради. Қачон олиб келибди? — Ҳо-зир бехабар 175 сўм олиб келган экан. — Ҳамза, Паранжи сирлари

4. (ўрин-пайт келишиги шаклида — қоғозда) Фақат қоғоз, расмий ҳужжатлардагина қайд этилиб, амалда ижроси ёʻқ иш-фаолиятларга нисбатан қўлланади; шундай ҳолат, аҳволни қайд этади.

Кўп бўлимлар ҳозиргача вазифалари нимадан иборатлигини билмайди, тарқоқ, кўп ҳолларда қоғозда фаолият кўрсатади. — Газетадан

5. с. т. Варақ, бет.

Мақола икки қоғоздан ошмасин.

Сўнгги вақтларда мухбирлар, юборган хабарларининг биринчи қоғози устига гонорарли, деб ёза бошладилар. — А. Қаҳҳор, Сароб

Амалий иш ўрнига кераксиз ёзишмалар олиб бориш, қарорлар чиқариш билан овора бўладиган киши; расмиятчи.RESMİYETÇİ

от 1. Амалда эмас, қоғоздагина иш битириш, қоғозбоз каби иш тутиш.

Ҳурматли Тўқлиев ва Қораев ўртоқлар! Қоғозбозлик билан план сира юз бўлмайди. — Муштум

Бу министрликларнинг айрим шохобчаларида асосий ишдан кўра бепарволик, қоғозбозлик, уюшқоқсизлик авж олиб кетган. — Муштум

2. Ёзиш-чизиш, қоғоз-ҳужжат ва шу кабилар билан боғлиқ ишлар.

У киши қайтгунча қоғозбозлик ишларини ўзинг тўғрилаб турасан. — О. Ёқубов, Излайман

[Мирзажон] Кабинетда ўтириб, қоғозбозлик билан шуғулланишга ўрганмаган. — К. Раҳимов, Биринчи одим

— Ёʻқ, ёʻқ, қўзғалма. Бугун қоғоз-бозликка сира тоқатим ёʻқ! — деди Амина опа Ҳалимага. — О. Ёқубов, Бир фелетон қиссаси

3. Ёз-ёз иши (кимса ҳақида туҳмат, ғийбат ва шу кабиларни ёзиш).

Шу Қори ҳозир газета ходимининг ҳам пайига тушиб, қоғозбозлик қилиб юрибди. — Мирмуҳсин, Мусича одам

Бумажные деньги

official paper

русчагербовая бумагаинглизчаstamped paper, letter head