«qoʻrqinchsiz» boʻyicha 3 ta natija
sft. 1. Qoʻrqarli yeri yoʻq, qoʻrqinchli emas.
2. Xavotir oladigan, xavfsiraydigan yeri yoʻq, xavfli, xatarli emas; bexavotir, xavf-siz.
ot 1. Qoʻrquv holati, hissi; qoʻrquv, dahshat, vahima.
Uning vujudini qoʻrqinch qamrab oldi. Qoʻrqinchga tushmoq.
Nigoraning hamon qoʻrqinch, dahshat toʻla koʻzlarida minnatdorchilik uchquni yiltiradi. — S. Anorboyev, Oqsoy
2. Xavotirlik, bezovtalik holati, hissi; xavfsirash, hadiksirash; hadik.
Nikolinning qalbini yangi bir qoʻrqinch tatalardi. Oʻq-dori, oziq-ovqat unda chegarali edi. — Oybek, Quyosh qoraymas
Endi bu ikkinchi soxta xatni yozdirishda, garchi hozir Otabekning qoʻlyozmasi oʻz qoʻlida boʻlsa ham, yana qoʻrqinchi yoʻq emas edi. — A. Qodiriy, Oʻtgan kunlar
3. ayn. Qoʻrqinchli.
Otabek sapchib ketdi, tusi qoʻrqinch holga kirgan edi. — A. Qodiriy, Oʻtgan kunlar
Toshni toshlarga urib, Tarqatib qoʻrqinch ohang. — Gʻayratiy
Kumushbibi ortiq chidolmadimi, qoʻrqinch bir tovush bilan hayqirdi: — Oh, oʻlaman, koʻp soʻzlama! — A. Qodiriy, Oʻtgan kunlar
sft. 1. Kishini qoʻrquvga, vahimaga, dahshatga soladigan, dahshatli, vahimali.
Qoʻrqinchli tush. Qoʻrqinchli manzara.
Uning rangi oqarib, vajohati qoʻrqinchli tus olgan edi. — M. Hazratqulov, Jurʼat
Odamlarning uningsiz ham xarob egni-boshlari toʻkildi, afsonalardagi yaʼjuj-maʼjuj kabi qoʻrqinchli tus oldi. — M. Ismoiliy, Fargʻona tong otguncha
2. Kishini xavotirlikka soladigan, bezovta, xavotir qiladigan; xavfli, xatarli.
Qoʻrqinchli kasallik.
Uzun va issiq yoz kunida podshohni saharliksiz qoldirish begimlar uchun oʻzlari och-nahor qolishlaridan qoʻrqinchliroq edi. — P. Qodirov, Yulduzli tunlar
