Қидирув

от 1. Балоғат ёшига етмаган аёл.

Қиз бола. Ёш қиз. Ўқувчи қиз.

2. Хотин жинсига мансуб фарзанд (ўз ота-онасига нисбатан).

Унинг уч ўғил, икки қизи бор. Қиз чиқармоқ. Қиз узатмоқ. Қизи борнинг нози бор. — Мақол

Фарзанд ўғилми, қизми — бари бир, ота-онасининг юраги бўлар экан. — Ойбек, Танланган асарлар

3. Балоғатга етган, аммо ҳали эрга тегмаган аёл; маъсума, бокира.

— Қизми, жувонми, Гулнорми — бари бир, ман дадамнинг ёш хотин олишини хоҳламайман, — деди Салим. — Ойбек, Танланган асарлар

4. Қизларга ёки ёш жувонларга нисбатан мурожаатда ишлатилиб, ҳурмат, эркалаш, ўзини яқин олиш сингари маъноларни ифодалайди.

Отга жуда эпчил экансан-ку, қизим! Баракалла-е. — А. Қаҳҳор, Хотинлар

Ёзиб беринг, айланай пошша қиз. — А. Қодирий, Ўтган кунлар

фл. 1. Қаттиқ иситмоқ, иситиб қайноқ, куядиган ёки куйдирадиган ҳолга келтирмоқ; қизитмоқ.

Дазмолни қиздирмоқ. Тандирни қиздирмоқ. Ёз қуёши ер юзини қиздирмоқда.

Ўтнинг ҳарорати Эргашевнинг юзини қиздириб, бурқиб чиқаётган тутун эса нафасини бўғар эди. — Н. Сафаров, Водиллик қаҳрамон

2. Доғ қилмоқ (ёғни, мойни).

Пахта ёғини қиздирмоқ.

3. Ҳароратини, иситмасини оширмоқ; иситма чиқармоқ.

Безгак аъзойи баданни қақшатиб қиздирмоқда эди.

4. Қонни юриштирмоқ, қонни юриштириб ортиқ иситмоқ, қизитиб юбормоқ.

Асал кўп ейилса, баданни қиздиради. Одамни пўстин эмас, иш қиздиради. — Мақол

от тех. Иситиш, қиздириш учун ишлатиладиган асбоб, мослама, аппарат ва шу кабилар

Лампали қиздиргич.

фл. Қиздирмоқ феълининг мажҳул нисбати.

фл. Қиздирмоқ феълининг биргалик нисбати.