Поиск

sft. 1. Kuch-quvvatga toʻlgan, yetilgan.

Qirchillama yigit.

Hu ana, oldinroqda yoshi ellikdan oshganiga qaramay, haliyam qirchillama yigitday daroz boʻyini tik tutib, Toʻlamat moʻylov ketyapti. — S. Anorboyev, Oqsoy

qirchillama yoshning besh-oʻn yili shunga sarf boʻldi. — M. Qoʻshjonov, Diydor

2. koʻchma Avjiga chiqqan, kuchaygan, qahriga olgan, qattiq (sovuq yoki qish haqida).

Shunday qirchillama sovuqda choʻlga kelish zarurmidi? — Y. Muqimov, Matonatli kishilar

Qirchillama qish pallasi uni qishloqqa olib borish ham qiyin edi. — O. Husanov, Choʻlda

qish boʻlganda ham, qirchillama kunida tugʻilgan. — Sh. Xolmirzayev, Saylanma

fl. 1. Kuch-quvvatga toʻlmoq, yetilmoq.

— Sizmi? — dedi Kumush. — Siz endi qirchillabsiz! — A. Qodiriy, Oʻtgan kunlar

Rasiy [Rossiya] degan mamlakat judayam olis emish, sart, qozoqning oʻspirinlari — avji qirchillagan yigitlar sovuqda och-yalangʻoch qirilib ketmasin yana, kulfatga qoldik! — Oybek, Bolalik

2. koʻchma Avjiga chiqmoq, zoʻraymoq, qahriga olmoq (sovuq yoki qish haqida).

Qish tobora qirchillamoqda.

fl. Qirchillamoq feʼlining orttirma nisbati.