Qidiruv

qaynamoqruschaкипетьinglizchabe boiled

fl. 1. Kuchli issiqsan koʻpirib, bugʻlanib vaqirlab turmoq.

Yuz gradus issiqlikda suv qaynaydi. Qozonda shoʻrva qaynamoqda.

Baqirlab qaynayotgan dorini birov qoshiq bilan shopirib turdi. — A. Qahhor, Koʻr koʻzning ochilishi

2. koʻchma Qaynagan holatni bildiruvchi tovush chiqarmoq (ichida suv, suyuqlik boʻlgan idish haqida).

Samovar qaynadi. Tikilgan qozon qaynamas. — Maqol.

Pechka ustida uchta kotelok [qozoncha] bugʻ buriqtirib, shaqirlab qaynardi. — Oybek, Quyosh qoraymas

3. koʻchma Xuddi qaynagan koʻrinishli holatda boʻlmoq; otilib chiqmoq (buloq, daryo kabilar haqida).

Ammo daryo qaynar, koʻpirar — Toʻnka ostin yalab oʻpirar. — Mushtum

Qadimiy chinor tagida choyxona, uning hovlisida billurdek tiniq chashmalar qaynab yotadi. — Gazetadan

Qaynab toshsin neft buloqlari. — Yo, Mirzo

ularning hozirgi hollarini sezib yotgan Kumushning-da qaynab chiqqan koʻz yoshlari ikki chekkasidan yostiqqa oqib tusha boshladi. — A. Qodiriy, Oʻtgan kunlar

4. Pishmoq, pishib yeyishli holga kelmoq.

Ikki qoʻchqorning boshi bir qozonda qaynamas. — Maqol

Dekchada sabzi-piyoz ham miriqib qaynadi. — H. Gʻulom, Mashʼal.

[Puldorlarning] Qorinlari toʻq. Bolachaqalari rohatda, uylarida qazi-qarta qaynaydi. — Oybek, Tanlangan asarlar

5. koʻchma Achimoq, bijgʻimoq, achib-bijgʻib bijirlamoq; shu tariqa yetilmoq.

Bochkaga bosilgan uzum qaynay boshladi.

Kun kishilarning uylarida musallas bilan boʻzalar xumlab qaynab yotsa, ikkinchi tomonda rasmiy suratda ichkilik sotish bilan tiriklik qiluvchilar ham yoʻq emas edilar. — A. Qodiriy, Oʻtgan kunlar

6. koʻchma Kuchli xatti-harakatli, qoʻzgʻalgan, toʻlqinlangan holatda boʻlmoq (koʻpchilik odamlar haqida).

Sultonmurod qaynagan olomon ichida turtki yeb, bosilib, ezilib, uzoq yurdi. — Oybek, Navoiy

Kun sovuq, lekin bozor qaynardi. — Oybek, Ulugʻ yoʻl

7. koʻchma Kuchli, qizgʻin tus olmoq.

Dalalarda ish qaynaydi: kimlar paxta teradi, kimlar beda oʻradi, kimlar shudgor qiladi. — M. Ismoiliy, Fargʻona tong otguncha.

Usta Hazratqulning qurilish maydonchasida ham mehnat qaynaydi. — Sh. Rashidov, Boʻrondan kuchli

8. koʻchma Jahli, asabi kuchli qoʻzgʻalmoq.

Telefon dastasini qoʻpol harakat bilan, peshonasidan ter chiqquncha aylantiradi-da, javob ololmay qaynab ketadi. — A. Muxtor, Opa-singillar

9. koʻchma Ayrim soʻzlar bilan birikib, shu soʻzlar anglatgan narsaning kuchli, ortiq darajada boʻlishini bildiradi.

Ichida qaynagan hislar bulogʻi qoʻliga qalam oldirdi. — M. Ismoiliy, Fargʻona tong otguncha

Men uncha-munchaga beparvo qizlardan, deb yursam, ichida shunaqa fikrlar qaynab yotgan ekan. — P. Tursun, Oʻqituvchi

Japaqning miyasida savollar qaynab toshdi. — A. Muxtor, Qoraqalpoq qissasi

Rostini aytsam, shu zamonda gap-soʻz qaynab ketgan, lekin birovining ham maʼnosi yoʻq. — Oybek, Tanlangan asarlar

10. koʻchma Nihoyatda isimoq; yonmoq.

Kun qaynab ketgan. Toʻrt tomonni yondirib yotgan saraton olovining tafti chayla ichkarisiga dam-badam uriladi. — Yoshlik

11. koʻchma Koʻp miqdorda tiqilib ketmoq.

Buloqda baliq qaynab yotibdi.

Bu koridorda tanaffus vaqtida odam qaynaydi. — P. Qodirov, Uch ildiz

Hovliga chiqqanda, katta hovli xotinlar bilan qaynar edi. — Oybek, Tanlangan asarlar

ot Qayin ogʻa (erning akasi uning xotiniga nisbatan va xotinning akasi uning eriga nisbatan).

Ishq zavqidan chala mast boʻlgan Laʼli choʻziq-choʻziq xurrak tortayotgan erini allaqachon unutib yuborganidek, qaynagʻasining ayvondan tikilib turganini ham sezmadi. — H. Gʻulom, Mashʼal

sft. 1. Katta soy, daryo va shu kabilarning suv uyurmalanib, qaynaganday varaqlab turadigan joyi; girdob.

Amudaryoda tosh yoʻq hisob. Ammo girdob — qaynamalar juda-juda koʻp. — Gazetadan

2. maxs. Ariq suvini yoʻl ostidan oʻtkazish uchun moʻljallangan gidrotexnika inshooti.

[Suv] Qaynama — beton hovuzchalar orqali yerosti quvurlariga quyilib, dala yoqalab yugura ketdi. — Sh. Gʻulomov, Yorqin ufqlar

Qaynama qurishda yogʻin suvlari ham hisobga olinadi. — OʻzME

ot Qayin ona (erning onasi uning xotiniga nisbatan va xotinning onasi uning eriga nisbatan).

Fotiha oʻqilib, kuyov qaynanaga uzr aytdi. — A. Qodiriy, Oʻtgan kunlar

suyuqlikning butun hajmida tez kattalashadigan bugʻ pufakchalari paydo boʻlib, ular suyuqlik yuziga qalqib chiqadigan hodisa. Pufakchalar ichidagi toʻyingan bugʻ bosimi suyuqlikdagi bosim (havoning suyuqlik sirtiga koʻrsatayotgan bosimi bilan suyuqlik ustunining gidrostatik bosimi) ga tenglashgan holdagi haroratda suyuqlik qaynay boshlaydi.Кипение — это явление, когда по всему объёму жидкости образуются быстро растущие пузырьки пара, которые всплывают на поверхность. Кипение начинается при температуре, при которой давление насыщенного пара в пузырьках сравнивается с давлением в жидкости (давление воздуха на поверхность жидкости и гидростатическое давление столба жидкости).