Hayot Foundation loyihasi
Loyiha haqida
Oʻz
Oʻz

Qidiruv

«qamchili» boʻyicha 7 ta natija

Filtr
Boʻlim
Lugʻatlar Shevalar
Lugʻat turi
Izohli Tarjima Terminologik
Tilga
Ruscha Inglizcha Qoraqalpoqcha Nemischa Turkcha

Lugʻat maqolalari

6 ta
qamchi
Izohli lugʻat · yana 6 ta lugʻatda

ot 1. Ot-ulovni urib, yurishga undash, tezlatish uchun ishlatiladigan dastali, koʻpincha qayish tasma shaklidagi asbob.

Oʻrma qamchi. Ot oʻynatadigan uzun qamchi.

Rais otiga qamchi urib, idora tomon ketdi. — Oydin, Yuragida oʻti bor

U har zamonda qamchisini koʻtarib qoʻyar, ot esa, sagʻrisiga qamchi tushuvini kutmasdan olgʻa intilar edi. — N. Safarov, Olovli izlar

2. koʻchma Oʻzi birikib kelgan soʻz anglatgan narsaning kaltagini bildiradi.

Shoir savdogarlarni ham satira qamchisi ostiga oldi. — Gazetadan

Erk-adolat yoʻlida jaholat qamchisidan, hatto qoʻrqinchli tahlikadan qoʻrqmagan Avaz. — Gazetadan

  • Qamchi bosmoq (yoki solmoq, bermoq) Qamchi bilan urmoq. Yoʻlchining yuz-koʻzi aralash yana qamchi soldi. — Oybek, Tanlangan asarlarAsqar ota beixtiyor otiga qamchi bosdi, yana boshini tortdi. — A. Qahhor, XotinlarQamchi bersa, bedov ot oʻynab ketib boradi. — Nurali
  • Qamchi oʻynatmoq Qamchisini havolatib silkitmoq, qamchi bilan poʻpisa qilmoq.
  • Qamchisidan qon tomgan (yoki tomadigan, tomadi) Juda ham zolim, shafqatsiz. Qamchisidan qon tommagan boy — boy emas. — B. Rahmonov, Bahor arafasiBu xususda otasining qamchisidan qon tomar edi. — A. Qahhor, Qoʻshchinor chiroqlari
Toʻliq maqola →
qamchin

ot

Boshqasi boʻlsa, qamchin bilan solar edim, lekin soqoling oqini hurmat qildim. — Oybek, Tanlangan asarlar

Oʻrmonjon toʻqayga kirib ketgan tuproqtepani qamchinining sopi bilan koʻrsatib: — Kanal, — dedi. — A. Qahhor, Qoʻshchinor chiroqlari

Toʻliq maqola →
qamchilamoq
Izohli lugʻat · yana 5 ta lugʻatda

fl. 1. Qamchi bilan urmoq.

Gʻuzor tomondan oq sallali kimdir birov ot qamchilab, shitob bilan kelardi. — Sh. Toshmatov, Erk qushi

Arslon toʻrigʻini qamchilab, uzoqlashib qolgan otliqlarni quvib ketdi. — O. Yoqubov, Izlayman

2. koʻchma Soʻz bilan urmoq, qattiq tanqid qilmoq, poʻstagini qoqmoq.

Mashhur fitnachi Muhammad Jamol chiqib, xoʻp qamchiladi sizni va bizni. — Oybek, Nur qidirib

Furqat, Zavqiy oʻzlarining hajviy sheʼrlarida poraxoʻr amaldorlarni shafqatsiz qamchilagan edilar. — Sharq yulduzi

3. koʻchma Qistamoq, undamoq, majbur qilmoq.

Tangriqul hoji qoʻlidagi butun vositalar bilan yerni qamchilab, koʻproq hosil berishga majbur qilar edi. — A. Qahhor, Qoʻshchinor chiroqlari

Odamni jilovlab, qamchilab turadigan, toblab chiniqtiradigan narsa — tashvish. — F. Musajonov, Himmat

  • Otni qamchilamoq Zudlik bilan, fursatni qoʻldan bermay harakat qilmoq; harakatni tezlamoq, tezlatmoq. Ish koʻp, vaqt oz — otingni qamchila.Ana shu tigʻiz kunlarda otini qamchilagan paxtakor asti dogʻda qolmaydi. — Gazetadanotni qamchilash kerak, boʻlmasa kechikasiz, degan gapi Madinani oyoqqa turgʻizdi. — Mirmuhsin, Chodrali ayol
Toʻliq maqola →
qamchilashmoq

fl. 1. Qamchilamoq feʼlining birgalik nisbati.

2. Bir-birini qamchi bilan urmoq, oʻzaro qamchi solib savashmoq.

Qoraxon qaytmaydi navbat oladi, Goh yerlarda qamchilashib savashib, Koʻp xarxasha qilar aqli shoshib. — Alpomish

Toʻliq maqola →

Sheva materiallari

1 ta
qamchiliq
Qoraqalpogʻiston Respublikasi · oʻng tomon

ot, tuya, eshak kabi hayvonlarning oʻng tomoni