Поиск

sft. 1. Qahr-u gʻazabga toʻlgan, qahr; gʻazab ifodalovchi; gʻazabli.

Asqar polvon sargʻaygan, kir, lekin qahrli yuzidan terish artdi. — Oybek, Quyosh qoraymas

Mudarrisning qahrli vajohati suratni yirtib tashlashdan ham toymasligini koʻrsatar edi. — P. Qodirov, Yulduzli tunlar

2. koʻchma Juda ham qattiq, shiddatli, ayovsiz.

Qahrli qish. Qahrli sovuq.

Shu sodda yigitning yuragini zaharlagan qahrli, mudhish hayotni qargʻadi. — Oybek, Navoiy

Haqiqatan ham kuz etagi yoʻq qish qahrli kelishidan darak bera boshladi. — D. Nuriy, Osmon ustuni

ot 1. Qattiq achchiqlanish, jahl tuygʻusi; gʻazab.

Zamiraning qahrdan yonayotgan koʻzlari, achchiqlanganda ham nafosatini yoʻqotmaydigan yuzi jazmaniga yanada chiroyli koʻrindi shekilli, yigit shirin iljaydi. — P. Qodirov, Uch ildiz

Qoʻzgʻolonchi xalqning qahri har lahzada kuchaydi, hayqirigʻi koʻkni tutdi. — Oybek, Tanlangan asarlar

Uning soʻzlashuv ohangi muloyim boʻlsa-da, ammo uzib olgudek qahr va achchiq kinoya sezilib turardi. — S. Karomatov, Oltin qum

2. koʻchma Baʼzi tabiiy hodisalarning alamli kuchi, taʼsiriga nisbatan qoʻllanadi.

Qish qahridan qarsillaydi qayragʻochlar. — A. Muxtor.

Achchiq ayoz koʻrsatar kuchin, Oʻtkirlashar sovuqning qahri. — D. Fayziy.

litva tilida «gintaros», latish tilida «drintars» — bundan bir necha yuz ming yil ilgari yerda oʻsgan igna bargli daraxtlarning toshga aylangan smolasi. Qadimgi grek olimlari qahrabo junga ishqalangandaянтарь, Янтарь — (от литов. «gintaros» — латыш. «drintars» — это окаменевшая смола хвойных деревьев, которые росли на Земле много сотен тысяч лет назад. Древнегреческие ученые заметили, что янтарь при натирании его шерстью

ot 1. Shijoati, dovyurakligi, botirligi bilan shuhrat qozongan, jonbozlik, mardlik qilib, oʻzini koʻrsatgan shaxs.

Oʻlimdan qoʻrqqan kishi qahramon boʻlolmaydi. — A. Qahhor, Oltin yulduz

Qoʻshigʻimga ilhom bergan qiz, Olam-olam haydab qoʻydi yer. Kim koʻrsa ham uni, shubhasiz, Paxtazorning qahramoni der. — T. Toʻla.

2. ad. Badiiy asarning bosh ishtirokchisi.

Roman qahramoni. Film qahramonlari

Hamma, birinchi navbatda, hikoyamizning qahramoni Yodgorni tabriklar edi. — S. Ayniy Doxunda.

3. Umuman, biror voqea-hodisa va shu kabilarning sodir boʻlishiga sabab boʻlgan yoki unda asosiy rol oʻynagan shaxs.

Yuqorida Otabek tomonidan olingan maktubning haqiqati mana shu yoʻsin xiyonatning natijasi ediki, biz endi xiyonat qahramonlari bila) oʻquvchini tanishtiramiz. — A. Qodiriy, Oʻtgan kunlar

4. Qahramon (erkaklar ismi).

sft. Juda qattiq, juda ham shiddatli, ortiq darajada sovuq.

Qahraton qish. Qahraton sovuq.

Qish faslida qahraton izgʻirin, boʻron, Qora bulut, qora tuman tongi yoʻq tunlar. — Habibiy

Mukarrama Samadova yozning jaziramasida ham, qishning qahratonlarida ham paxtakorlar, chorva dorlar orasida boʻldi. — Gazetadan

ot ayn. Qahr va gʻazab