Qidiruv

ot Oʻsimlik tanasiga va boshqalar narsalarga chirmashib oʻsadigan bir yillik oʻsimlik; chirmovuq.

[Navoiy:] Gulimning qabriga ekkan chechaklar ochilgandur bu choq ohim pechaklar Kabi koʻk toqiga chirmashmasinmu?! — Uygʻun va I. Sulton, Alisher Navoiy

Yarim xalta pechak yulib keldi. — Sh. Xolmirzayev, Ogʻir tosh koʻchsa

ot Karnaygullilar oilasiga mansub, chirmashib oʻsadigan bir yillik oʻsimlik va uning guli; karnaygul.

Markaziy koʻchadagi uylarning derazalarida oq pardalar hilpiraydi, devorlariga pechakgullar tirmashib yotibdi. — I. Raxim, Taqdir

ot Oʻsimliklarga, daraxtlarga chirmashib oʻsadigan bir va koʻp yillik zararli yovvoyi oʻt; chirmoviq.

Bir qarich devpechak necha tanob rezavorni nobud qiladi. — S. Ahmad, Saylanma

ot Pechakguldoshlarga mansub koʻp yillik ildizpoyali oʻt.

ot Pechakgullilarga mansub, sugʻoriladigan yerlarda, adirlarda oʻsadigan, qoʻy-mol yeydigan bir yillik yovvoyi chirmovuq oʻt.

ot Poyasi chirmashib oʻsadigan, barglari yuraksimon yoki uch burchakli begona oʻt; ilonpechak.

Suvpechak gʻoʻza tunlami va boshqa zararkunandalar koʻpayishi uchun makon (vazifasini bajaradi). — OʻzME