ot 1. Ketma-ket keluvchi, ergashuvchi, izdosh.
Yozga payrov kuz edi, qishga ham bahor. — Uygʻun
2. Suv oqimi, yoʻnalishi.
Qorabuloq kambagʻallari ming azob-u uqubat bilan togʻdan ungur qazib chiqargan suv payrovi lapanglab oqayotgan anhor boʻyida mashina korpusining baland qaddi koʻrindi. — M. Ismoiliy, Fargʻona t.o.
3. Askiya uchun tanlab olingan, askiyachilar birin-ketin davom ettiradigan maʼlum mavzu; askiyaning ijro uslubi.
Ashula payrovi. Payrov qilmoq. Payrovdan chiqmoq.
Xum ichida koʻpirgan boʻza, Til qichitar askiya, payrov! — M. Ali, Boqiy dunyo
Boshqa bir gal askiyalar ustidan chiqib, eski-yangi payrovlarda taraflashamiz. — A. Isroilov, Biz dunyo odamlari
Shodon askiyalar, payrov va taqlid — Davrani porlatar misoli chiroq. — A. Isroilov, Biz dunyo odamlari
4. Gap yoki suhbatdan kelib chiqadigan maʼno; gapning maqsadi; xulosa.
Gapning payrovini kutmoq.
Bu [Aliqul] gapning payrovini keltirib, ancha eshdi. — P. Tursun, Oʻqituvchi