Qidiruv

ot 1. Rizqlanish, yeyish-ichish uchun tayyor narsa; yemish, taom, yemak.

Tamli ovqat. Issiq ovqat. Yengil ovqat. Parhez ovqat. Xushxoʻr ovqat. Kechki ovqat. Tushki ovqat. Bolaga ovqat yedirmoq.

Mulla Norqoʻzi ovqatini yeb, choyga umidvor boʻlib oʻtirganida, koʻcha eshigidan yoshgina bir xotin kirib keldi. — A. Qahhor, Mayiz yemagan xotin

Ahmad brigadir ovqatga non toʻgʻrab, ishtaha bilan ovqatlandi. — S. Nurov, Maysalarni ayoz urmaydi

2. Ovqatlanish.

Sidiqjon ovqatdan keyin qoʻliga gazeta olgan edi, bir maqolani yarimlatmasdan koʻzi suzildi. — A. Qahhor, Qoʻshchinor chiroqlari

3. Uy hayvonlarining yem-xashagi; oziq; ozuqa.

Mollarga ovqat solmoq.

4. Yeyish, ichish, tirikchilik uchun darkor narsalar; oziq.

Fuod afandi bizga mehribonchilik qilib, ovqatimizga qarashib turdi. — M. Ismoiliy, Fargʻona tong otguncha

ot Ovqat boʻladigan narsalar (don-dun, yogʻ-goʻsht, sabzavot va shu kabilar).

Qishga ovqatlik gʻamlamoq.

ot Ovqat yeyiladigan, taom yeyish uchun ajratilgan maxsus xona; oshxona.

Boshqa mamlakatlarda tashkil etilgan shunday ovqatxonalar ham restoran deb atala boshlandi. — K. Mahmudov, Qiziqarli pazandalik

Ovqat yeyish; kun kechirish tarzi

Umumiy ovqatlanish. yat Sifatli ovqatlanish, zavqli mehnat, yaxshi dam olish uzoq umr garovidir — Gazetadan

fl. Ovqat yemoq, rizqlanmoq.

Umid Qoʻshchi bobo zvenosida ishlar, birga ovqatlanar, traktorchini shiyponga oʻtqazib, bir-ikki soat oʻzi traktorda kultivatsiya qilardi. — Mirmuhsin, Umid

fl. Ovqatlanmoq feʼlining majhul nisbati.