Қидирув

от 1. Таниш, таниш-билиш.

Бир кўрган ошна, Икки кўрган қариндош. — Мақол

Норбўтанинг қизи докторликка ўқийди, мингта ошнаси бор десанг-чи! — А. Қаҳҳор, Майиз емаган хотин

2. Ўртоқ, дўст.

Пул ошнаси ошна бўлмас, пўкакдан пошна бўлмас. — Мақол

Ўрмон-жоннинг отаси Омон ака Сидиқжоннинг отаси Соҳибжон ака билан жуда қалин ўртоқ эди; икки ошна ўлиб кетгандан кейин, Ёрмонжон билан Сидиқжон чинакам ака-укадай бўлиб қолишган эди. — А. Қаҳҳор, Қўшчинор чироқлари

Аҳмад Ҳусайн Искандаров олдига бориб келиб, қалин ошна бўлди. — Ойбек, Нур қидириб

3. Ўз тенгқурларига нисбатан мурожаат шакли.

4. Илгаридан маълум, таниш.

Ўш тоғлари, қўрқинч жарлари, жилғалари, адирлари — барчаси бизга кўпдан ошна. — Миртемир, Асарлар

Сафаргалдига бу қумлар чақалоқ вақтидан ошна. Қорақумда унинг киндик қони тўкилган. — Ж. Шарипов, Хоразм

5. Хабардор; биладиган.

Анвар яхшигина форсихон ва бир даража араб тилига ошна эди. — А. Қодирий, Меҳробдан чаён

Менингча, машинанинг иллати тўғрисида гапириб юрувчилар техникага ошна бўлмаган кишилар бўлса керак. — М. Жўра, Қуёшдан нур эмганлар

от айн. Ошначилик.

от айн. Ошна-оғайнигарчилик 1.

Мен биров билан ошначилик қилсам, ҳатто ундан жонимни ҳам аямай, кўнглини олмоққа тиришаман. — А. Қодирий, Ўтган кунлар

kumpelhaft

от Яқин таниш-билишлар, дўст-биродар, қадрдонлар.

Ошна-оғайниларнинг ҳашари билан данғиллама қилиб бир уй, бир айвон солиб олдим. — Ғ. Ғулом, Тирилган мурда

Нормат қадрдон баталёнига келиб, ошна-оғайнилари билан учрашаркан, севинчини юрагига сиғдиролмай, жуда гапдон бўлиб кетди. — И. Раҳим, Чин муҳаббат

от айн. Ошна-оғайнигарчилик.

Ҳой, Эргаш полвон, дунёда ошна-оғайнилик бор экан, тўғриланмайдиган иш бўлмайди. — Шукрулло, Сайланма