По запросу «ogʻma» — результатов: 210
sft. 1. s. t. ayn. Ogʻmachi 1.
2. mat. Biror toʻgʻri chiziqni 90°dan kichik burchak hosil qilib, kesib oʻtadigan ikkinchi toʻgʻri chiziq.
Ogʻma prizma. Ogʻma silindr.
3. sft. Oʻtiq, qiya.
Ogʻma minora.
fl. 1. Biror tomonga yotib, qiya holat olmoq, qiyshaymoq, engashmoq, yonboshlamoq.
Kema oʻng tomonga ogʻdi. Devor ogʻib qoldi.
Ortiq soʻzlay olmadi, boshi bir tomonga ogʻib tushdi-yu, jim boʻldi joni uzilgan edi. — X. Toʻxtaboyev, Yillar va yoʻllar
Anisimov hamisha devorni ogʻgan tomonga yiqitadi. — E. Samandar, Daryosini yoʻqotgan qirgʻoq
2. Biror tomonga, pastga sirgʻanib, osilib tushmoq.
Qorinbogʻ boʻshab, otning egari chap tomonga ogʻib ketibdi.
3. Toʻgʻri, tik yoʻldan yoki belgili yoʻnalishdan chetga chiqmoq.
Samolyot kursdan ogʻdi.
4. Burilmoq, chetga chiqmoq; biror tomon siljimoq.
Yaxshiboyev gap mavzusi chetga ogʻib ketganini sezdi. — M. M. Doʻst, Lolazor
Bek aka boshini kaftlari orasiga oldi: — Beburd boʻlib qoldim chogʻi yoshim ogʻib! — S. Nurov, Narvon
5. Boʻlinmoq, chalgʻimoq (oʻy-xayol, diqqat-eʼtibor haqida).
Birdan diqqati ogʻib, ularga quloq tutdi. — Sharq yulduzi
6. koʻchma Toʻgʻri yoʻldan adashmoq, chetga chiqmoq, toymoq; biror siyosiy oqimdan, maslakdan toymoq, qaytmoq.
Menimcha, oʻrtoqlar, Qoʻchqorov partiya yoʻlidan ogʻib, yot unsurlar taʼsiriga tushib qolgan odam. — S. Anorboyev, Oqsoy
7. Biror tomonga yoʻnalmoq, qaramoq (koʻz haqida).
Hojixola, Toʻraxonning xayolchan koʻzlariga qarab olib, javob kutdi. Juvon koʻzlari sekin yerga ogʻdi: Roziman. — M. Ismoiliy, Fargʻona tong otguncha
Raʼnoning yerga qaragan koʻzi sekingina Anvarga koʻtarilib, yana yerga ogʻdi. — A. Qodiriy, Mehrobdan chayon
8. Eng yuqori nuqtadan, zenitdan oʻtmoq (Quyosh, Oy va yulduzlar haqida).
Quyosh kunbotarga ogʻib, soyalar choʻzilib qolgan boʻlsa ham, tepalar hamon oftob selida jimirlab yotardi. — M. Mansurov, Yombi
Ufqqa oqqan quyosh koʻkni tutgan tutun orasidan goʻyo qora shisha orqali koʻringanga oʻxshaydi. — Oybek, Quyosh qoraymas
9. Maʼlum bir muddatdan, paytdan oʻtmoq, oshmoq.
Vaqt yarim kechadan oqqan edi. — M. Muhamedov, Qahramon izidan
Kun asrdan ogʻib, shomga yaqin qolgan, shuning uchun guzardagi doʻkonlardan ochigʻi uch-toʻrtta edi. — A. Qodiriy, Oʻtgan kunlar
10. koʻchma Biror tomonga oʻtmoq, unga moyil boʻlmoq yoki yon bosmoq.
Biron eʼtiborliroq odam zakon [qonun] soʻqib qolsa, darrov oʻsha tomonga ogʻib ketishardi. — J. Abdullaxonov, Xonadon
Bu zamonda kimning jin chaqasi koʻp boʻlsa, odamlar oʻshanga ogʻadi. — Oybek, Tanlangan asarlar
Salomat qaqshoq oʻgay ona bilan chiqisholmadi. Har kun janjal, eshitmagan gapi, yemagan turtkisi qolmadi. Ota ham suyukli xotin tomonga ogʻib ketdi. — S. Ahmad, Hukm
OGʻ ’ishton, shimning ikki pochasi qoʻshiladigan joy’. Shimining o gʻ i sitilib ketibdi. Qadimgi turkiy tilda ’chov’, ’chot’ maʼnosini anglatgan bu ot a:gʻ tarzida talaffuz qilingan (Devon, I, 109), keyinroq a: unlisining choʻziqlik belgisi yoʻqolgan va bu unli oʻzbek tilida â unlisiga almashgan: a:gʻ > agʻ > âgʻ. Bu soʻzning hozirgi maʼnosi gavdadan kiyimga koʻchirish asosida yuzaga kelgan
Ishton yoki shimning ikki pochasi qoʻshiladigan joyi, chovi
ot 1. Bir gapda turmaydigan, hadeb ayniyveradigan irodasiz odam, ikkilanuvchi; ikkiyuzlamachi.
Ogʻmachi kambagʻallarimizning ogʻzini moylashyapti tulki boylar. — N. Safarov, Olovli izlar
2. siyos. Bosh yoʻldan chekinuvchi, chetga chiquvchi, ogʻuvchi.
Oʻng ogʻmachilar. Soʻl ogʻmachilar.
ot Ogʻma holat, egilganlik.
ot Gʻalla oʻsimliklariga zarar keltiruvchi, kalamushdan kattaroq kemiruvchi hayvon.
proyeksiya mat. Biror narsaning tekislikdagi, masalan, qogʻozdagi aksi, tasviri. Nuqta proyeksiyasi. Chiziq proyeksiyasi. Silindrning gorizontal tekislikka proyeksiyasi.
qiya ot Bir tomoni baland, bir tomoni past yer, qiyalik; togʻ yoki tepalik yon-bagʻri. Karvonni horitar yoʻlning qiyasi. Alpomish Qiygʻir degan qush oʻltirar qiyada. Bund
Barg va kesakning doʻstligi sinovlarga duch keladi. Ular bir-birlariga yordam berib, qiyinchiliklarni yengib oʻtishadi.
Ushbu ertakda shohning ikki oʻgʻli Momir va Somirning boshidan kechirgan sarguzashtlari, ularning ajralishlari va qayta topishishlari hikoya qilinadi. Ertak qah
Murod boboning oʻgʻillari otasining gapiga kirmay, tomga chiqib qor kurashdan bosh tortishadi. Mehmon bu holatdan hayron qoladi, ammo keyinchalik buning sababi
Bu ertakda oʻtinchi cholning oʻgʻli Dodning sarguzashtlari, uning adolatni tiklash va sevgisini topish yoʻlidagi sinovlari hikoya qilinadi. Qahramon qiyinchilik
Qahramon ismli yigit oʻz shahri va boshqa mamlakatlarni yovuz devlardan himoya qiladi. U qiyinchiliklarga qaramay, mardlik va jasorat koʻrsatib, xalqni zulmdan
Bir shahzoda otasining xasisligidan qochib, musofirlikda bir qizga oshiq boʻladi. Qozi yigitga yordam berishga vaʼda berib, oʻzining makr-hiylasi bilan qizni un
1. choʻridan (quldan) boʻlgan oʻgʻil (eski); 2. oʻgʻil
