Qidiruv

sft. 1. Oʻzbeklarga xos; oʻzbek tili, adabiyoti, sanʼati, madaniyati va shu kabilarga oid.

Oʻzbekcha kiyim. Oʻzbekcha odat. Oʻzbekcha taom. Oʻzbekcha kiyinmoq.

2. Oʻzbek tili.

Oʻzbekcha(ni) bilasizmi? Oʻzbekcha soʻzlashmoq.

Soqolli soldat chala-chulpa oʻzbekcha bilar ekan. — M. Ismoiliy, Fargʻona tong otguncha

ot 1. Oʻzbekiston Respublikasi tub aholisining (xalqining) nomi.

Oʻzbek xalqi. Oʻzbek millati.

2. Shu xalqqa (millatga) tegishli, mansub.

Oʻzbek xonadoni. Oʻzbek tili. Oʻzbek lotin alifbosi.

fl. s. t. Oʻzbek tilida gapirmoq.

Ikkovi bir-birining muddaosini sira tushunolmadi. Oxiri xotin oʻzbekchalab tushuntirishga tirishdi. — A. Qahhor, Sarob

— Yoʻq, — dedi miltiqli kishi, uzoqdan oʻzbekchalab. — A. Muxtor, Opa-singillar

fl. Oʻzbek tiliga tarjima qilmoq, oʻgirmoq.

Dastlab kinotomoshabinlar oʻzbekchalashtirilgan filmlarni koʻrib hayron boʻlishgan. — Gʻ. Salomov, Tarjima nazariyasiga kirish

fl. Oʻzbekchalashtirmoq feʼlining majhul nisbati.