Qidiruv

fl. Oʻylamoq feʼlining majhul nisbati.

fl. 1. Fikr-mulohaza yuritmoq; fikrlamoq.

Oʻylab tuzilgan reja. Koʻp oʻyla, oz soʻzla. — Maqol

Oʻylamay qilingan ish — boshga keltirar tashvish. — Maqol

U

har qancha oʻylasa-da, Asqar aka haqida yomon fikrga botinolmas edi. — N. Fozilov, Diydor

Tokaygacha shu kepatada yurasan, bolam, axir menga ham jon kerak, oʻylasang boʻlmaydimi? — E. Raimov, Ajab qishloq

2. Xayolidan kechmoq (kechirmoq), xayol qilmoq. U

baʼzan oʻgʻlining sogʻ-salomat jangdan qaytishini tilab yurtda tinchlik boʻlsa, umri boqiy binolar qurib berishini oʻylardi. — Mirmuhsin, Meʼmor

Ikki qoʻllab qanday terar ekan-a? deb oʻylayman ichimda. — E. Raimov, Ajab qishloq

3. Yodga olmoq, esga keltirmoq; xotirlamoq.

Lekin men boyagi yigitni oʻylab, yuragim ezilib ketyapti. — P. Qodirov, Qora koʻzlar

Aksincha, har kuni ming yashab, quvnab, Sen qilgan ishlarni oʻylayman, oʻgʻlim. — Gʻayratiy

Har kuni dadamni bir oʻylab qoʻyaman. — E. Raimov, Ajab qishloq

4. Biror kimsa yoki narsa manfaati yuzasidan ish tutmoq; shuning dardida boʻlmoq.

El-yurt tinchligini oʻylamoq.

Sut sogʻuvchi ham, eng avvalo, inson sogʻligʻini oʻylaydi. — Gazetadan

Koʻzim ochiqligida qizimning toʻyini koʻray, deb oʻzimni oʻylabman-u, bu toʻydan keyin Nasiba nima boʻlishini oʻylamabman. — A. Qahhor, Ogʻriq tishlar

Oʻzingiz bilasiz, Usmon aka biz iqtisodchimiz, daromadni koʻp oʻylaymiz. — P. Qodirov, Qora koʻzlar

5. Xayol qilmoq, taxmin qilmoq, deb hisoblamoq, tushunmoq.

Bu ishga rahbarlik qilsangiz, men oʻylayman, yana bir xayrli ishni yuzaga chiqargan boʻlasiz. — Mirmuhsin, Meʼmor

Mening doʻqimdan keyin Odil qizlarga xat yozmaydi, deb oʻylaysizmi? — S. Zunnunova, Yangi direktor.

Zaynab siz oʻylagan kelinlardan emas xudoga shukur, aql-hushi joyida. — A. Qodiriy, Oʻtgan kunlar

1. Bir necha oy ichida, koʻp oylar davomida.

Moskva, Peterburgga koʻp qatnadim, oylab u shaharlarda qoldim. — Oybek, Tanlangan asarlar

Bu oʻtirishdan soʻng u [Otabek bir oylab boʻzaxonaga kelmay ketdi. — A. Qodiriy, Oʻtgan kunlar

oylab kutubxona-yu laboratoriyalardan beri kelmay, soʻnggi imtihonga puxta hozirlik koʻradigan, bitiruv ishini yozishga kirishadigan talabchan yoshlar ham oz emas. — Gazetadan

2. Oylar bilan.

Vaqtni oylab oʻlchamoq.

астр. togʻ echkisi burjiruschaСозвездие Козерогаinglizchazodiac.

TafakkurqozoqchaОйлауturkmanchaAň-düşünjeruschaМышление

Denken n, Meinen n, Nachdenken n