Hayot Foundation loyihasi
Loyiha haqida
Oʻz
Oʻz

Qidiruv

«oʻpishmoq» boʻyicha 327 ta natija

Filtr
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Qoraqalpoqcha Nemischa Fransuzcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Lotincha Qozoqcha Turkmancha Turkcha

Lugʻat maqolalari

324 ta
oʻpishmoq
Izohli lugʻat · yana 9 ta lugʻatda

fl. 1. Oʻpmoq feʼlining birgalik nisbati.

Bu gal el-yurt oldida oshkor, tortinmay uzoq oʻpishdilar. — Shuhrat, Shinelli yillar

Koʻrishib, oʻpishib, obdan yigʻlashib boʻlganimizdan keyin, hammamiz chuvullashib yoʻlga tushdik. — E. Raimov, Ajab qishloq

2. koʻchma Bir-biri bilan tutashmoq, bir-biriga ulanib turmoq.

Oldimizda Oloy togʻining choʻqqilari ufq bilan oʻpishib yotibdi. — N. Safarov, Olovli izlar

Yoshlarning tiniq ovozi koʻk bilan oʻpishgan azim daraxtlar oralab oʻtib, keng atrofga taralmoqda edi. — Gazetadan

  • Ogʻiz-burun oʻpishmoq Juda ahil munosabatda boʻlmoq, inoqlashib ketmoq. Gʻiyosiddin tilmochlik qilib yurgan kezlarda shaharning kazo-kazolari bilan ogʻiz-burun oʻpishib qoldi. — Oybek, Tanlangan asarlarPaxtasi oʻn besh kun oldin ochildi-yu, uni maqtamay, meni maqtasinmi? Ammo oʻzi ham akademik bilan naq ogʻiz-burun oʻpishib qoldi-da! — O. Yoqubov, Diyonat
Toʻliq maqola →
oʻpmoq
Izohli lugʻat · yana 8 ta lugʻatda

fl. 1. Erkalash yoki sevgi-muhabbat ifodasi sifatida kimsaning biror yeriga lablarini tegizmoq, oʻpich olmoq.

Bolani oʻpmoq. Peshonasidan oʻpmoq.

Avaz xotinini boladay qoʻllariga koʻtarib oldi-da, koʻzlaridan, qoshlaridan oʻpdi. — P. Qodirov, Qora koʻzlar

Normat onasini quchoqlab oʻpdi. — I. Rahim, Chin muhabbat

2. Hurmat, sadoqat yoki eʼzozlash ifodasi sifatida muqaddas, aziz sanalgan narsaga lablarini tegizib qoʻymoq.

Ona-Vatan tuprogʻini oʻpmoq. Bayroqni oʻpmoq.

3. koʻchma Biror narsaga yengil-yengil tegmoq, urilmoq.

[Kumushning] Bu kungi sovuqqa qarshi qilib olgan savsar poʻstinining yoqaligi kishining hasadini orttirib, nafis baqbaqalarini oʻpib yotar edilar. — A. Qodiriy, Oʻtgan kunlar

Yel qitiqlab, oʻpib qochdi Chechaklarning yaprogʻidan. — Gʻayratiy

  • Onasi oʻpmagan Iffatli, sof. Puling boʻlsa onasi oʻpmagan malika qizlar senga quchoq ochadi. — Oybek, Tanlangan asarlar
Toʻliq maqola →
opa
Izohli lugʻat · yana 7 ta lugʻatda

ot 1. Bir ota-onadan tugʻilgan farzandlar ichida oʻzidan kichiklarga (ukalarga, singillarga) nisbatan katta qiz.

Opasi erga tekkanda, Adolat oʻn bir yashar qiz edi. — A. Qahhor, Qizlar

Nizomjon opasiga koʻrinmay, yongʻoq orqasidan aylanib oʻtib ketdi. — S. Ahmad, Ufq.

2. Oʻzidan katta, baʼzan kichik ayollarga hurmat yuzasidan ularning ismiga qoʻshib ishlatiladi, masalan,

Mastura opa, Malika ona.

Rais opa ham shu yerda boʻlsalar kerak. — S. Ahmad, Ufq

Yoʻq, Moʻttixon opa, bu ishni kechiktirmang, jon Moʻttixon opa. — S. Zunnunova, Olov

3. Oʻzidan katta, baʼzan kichik ayollarga hurmat bilan murojaat qilish shakli.

Suhbatda Mastonning salmogʻi tobora ortmoq-da edi. Ilgari singlim deb turgan yigitlar sal oʻtmay opa deydigan boʻlishdi. — A. Qahhor, Maston

Hormang, opa, charchamadingizmi? Ishlar qalay? — T. Ashurov, Oq ot

— Opa, nima ish bilan shugʻullanasiz? — dedi ofitsiantka. — Gazetadan

Toʻliq maqola →

Hammasini koʻrish · 324 →

Taʼriflar ichida

3 ta
ogʻiz-burun

og‘iz-burun Ogʻiz va burun. Ogʻzi-burnini qop-qora qon qilmoq. Ogʻiz-burun oʻpishmoq Boylar, katta yer egalari, amaldorlarning hammasi bir-biri bilan ogʻiz-burun oʻpishga

oʻpishmoq

o‘pish Oʻpmoq feʼlining birgalik nisbati. Bu gal el-yurt oldida oshkor, tortinmay uzoq oʻpishdilar. Shuhrat, Shinelli yillar Koʻrishib, oʻpishib, obdan yigʻlashib boʻlgan