Поиск

ot 1. Dushman ustidan gʻalaba qilish tufayli qoʻlga kiritilgan narsa.

Gʻozilar ertalab soat oʻnlarda uyqudan uygʻondilar, soʻngra oʻlja va tutqunlarni boʻlish ishi boshlandi. — S. Ayniy, Qullar

Elmurod kechayoq raisga vaʼda qilgan, qishloqda qoʻlga tushirilgan oʻlja qurollarni topshirdi. — Shuhrat, Shinelli yillar

Safarqul oʻlja miltiqlarni oʻz odamlariga koʻtartirib, koʻchaga chiqdi. — S. Ayniy, Qullar

2. Ovda qoʻlga tushiriladigan, tutib yoki otib olinadigan narsa; ov.

Oʻrmon qatlaridan shiddatli ovoz, Oʻljasini titar yovvoyi maxluq. — S. Akbariy

Pastlab kelib, endi oʻz oʻljalari ustiga qoʻnmoqchi boʻlayotgan qora qushlar birdan balandlashdi. — P. Qodirov, Qora koʻzlar

Kechki payt ular qarmoqlarni sohilga bogʻlab qoʻyib, kattagina oʻlja bilan qaytdilar. — Sh. Xolmirzayev, Ogʻir tosh koʻchsa

ov obyekti boʻlgan yovvoyi hayvonlar. Baʼzi mamlakatlarda bu atama alohida huquqiy maʼnoga ega.

yirtqich bilan oʻljaning oʻzaro bogʻliqligi, bunda evolyutsion tarzda

Чему обучился в молодости, то пригодится в старости.

ot 1. Oldindan koʻzlab, oʻylab qoʻyilgan ish, narsa; reja.

Bu yilgi moʻljal — gektaridan 45 sentnerdan.

Ravshanning moʻljali — bir kecha tunash, tong otmay Zubayda bilan xayrlashadi. — Yoshlik

Hozir ham havoning avzoyi buzildi-yu, moʻljaldagi ishini tugatolmay, diqqati oshdi. — S. Karomatov, Oltin qum.

2. Chama, taxmin.

Latofatning moʻljalida Shahob bugun komandirovkadan qaytgan boʻlishi kerak edi. — L. Tojiyeva, Mehrim sizga, odamlar.

Moʻljalimda Xalachga kechga yaqin kirib borsak ehtimol. — Mirmuhsin, Meʼmor

3. Nishonga olingan yoki olinadigan narsa; nishon, qora.

Moʻljalga urmoq.

Pulemyot ogʻzidan tinimsiz uchib borayotgan oʻqlar toʻppa-toʻgʻri moʻljalga borib tegar qalin shoxlarni sindirib oʻtardi. — A. Rahmat, Ellik bir bahodir

sft. Oldindan moʻljallab qoʻyilgan; belgili, oʻlchovli.

Moʻljalli vaqt. Barcha hozir moʻljalli chopiqni bitirib olishdan boshqa narsani oʻylamaydi. — A. Qodiriy, Obid ketmon