Қидирув

сфт. 1. Шовқини ёки ҳаракати кўп, сершовқин, серқатнов.

Нотинч кўча.

2. Тинчи, осойиши бузилган; безовта, бесаранжом.

Нотинч вақт. Бемаҳал нотинч қилмоқ.

Унинг [Ҳакимбойваччанинг} ранги ўчган, кўзлари аллақандай нотинч. — Ойбек, Танланган асарлар

3. Ғалва, ташвиши кўп; серғалва, серташвиш, ташвишли.

Раҳматилла бирмунча вақт шаҳар маорифи бўлимида, бу ер нотинч бўлгандан кейин, музейда ишлади. — А. Қаҳҳор, Қўшчинор чироқлари

от 1. Тинчи бузилганлик, бесаранжомлик; сершовқинлик.

2. Осойишта бўлмаган ҳолат.

Неча йилдирки, қўшни Афғонистонда нотинчлик ҳукм сурмоқда. — Газетадан

фл. кам қўлл. Бетоқат, безовта бўлмоқ, ташвишланмоқ.

Бой бизларни сўкади, оёғи куйган товуқдай, нотинчланади. — Ойбек, Танланган асарлар

фл. Нотинчланмоқ феълининг орттирма нисбати.