Qidiruv

ot 1. Muayyan balandlik va choʻziqlikdagi tovushni (musiqani) yozib olishda qoʻllanadigan shartli grafik belgi.

Malika opera sanʼati sirlarini oʻrganishi, nota yozuvlarini puxta egallashi uchun toʻqqiz yil tinimsiz izlanishda boʻldi. — Gazetadan

2. Musiqa yoki ashulada tovushning oʻzi.

Baland nota. Past nota.

3. Shunday belgilar bilan yozilgan musiqa asari matni; shunday matnlar yozilgan daftar, kitob va shu kabilar

— Kompozitor qaysi cholgʻuvchi qachon chalishini koʻrsatib bergan, mana notasi, — dedi dirijyor Salohovga. — S. Ahmad, Muzikali voqea

ot Nutq soʻzlovchi; gapga chechan, gapga usta, soʻzamol.

Toʻti xoladay toʻqqiz oʻgʻilning onasi, majlisda notiq, terimda devkor ayolni jondan sevmaslik mumkinmi? — Oybek, O.v. shabadalar.

sft. Tobi yoʻq, kasal, betob.

Xudo bergan bir oʻgʻil, bir qizim bor. Ularni notob deb eshitdim. — Oybek, Tanlangan asarlar

sft. kam qoʻll. [no + tamom) Oxiriga yetmagan, tamom boʻlmay qolgan; choʻltoq.

Hikoyangiz yaxshi, ammo notamom. — A. Qahhor, Sarob

sft. 1. Hol-qudrati yoʻq; zaif, nimjon, nogiron.

Notavon kampir.

2. Koʻchma Nochor, bechora.

[Gulbahor:] Men gʻurbat tortib, bagʻri ezilgan bir notavonman, rahm qiling! — Hamza, Boy ila xizmatchi

sft. 1. Kimligi, nimaligi yoki nima boʻlishi aniq emas; noaniq, nomaʼlum.

Notayin shaxs. Notayin ish.

Hovlidagi keksa tutga chiroq shuʼlasi tushib, unda notayin bir koʻlanka kezar, ichkaridan shirt-shirt etgan tovush eshitilar edi. — A. Qahhor, Qoʻshchinor chiroqlari

2. Ishonib boʻlmaydigan, tayini, subuti yoʻq; betayin.

E Uning oʻzi shundaqa notayin, yuzsiz odam! — A. Qahhor, Sarob

3. Aniq-ravshan emas, dudmol, mujmal.

Notayin gap.