Қидирув

от Сўнгги чек, чегара, охир, поён.

Ниҳоясига етмоқ. Ишни ниҳоясига етказмоқ.

Бекнинг асабийлиги ниҳоясига етди ва у Лаълининг сочидан бураб, теракзорга судраб кетди. — Ҳ. Ғулом, Машъал

от 1. айн. Ниҳоя.

Элликбоши уруш ниҳоятида оқ подшо ғолиб келишини исбот қилишга тиришди. — Ойбек, Танланган асарлар

2. рвш. Ғоят, жуда, ниҳоятда.

Элмурод уларнинг овозларидан ўз ишларидан ниҳоят хурсанд эканликларини сезди. — П. Турсун, Ўқитувчи

3. крш. с. Охир-пировардида, охири.

Ниҳоят, ҳар минути бир кундай туюлган бир соат вақт ўтгач, бутадан йигирма-ўттиз метрча берида қора каска кўринди. — А. Қаҳҳор, Олтин юлдуз

Ниҳоят, улар ҳам чарчади шекилли, вагонга сукунат чўкди. — Газетадан

Ҳаммаси бўлиб, бор-ёʻғи, атиги, фақатгина.

— Ота, — деди Салим жеркиб, —

бу нарса кўпга келган тўй. Ўғлингиз ниҳояти бир неча ой ишлаб қайтади. Нимасига қайғурасиз? — Ойбек, Танланган асарлар

— Ўғлингни ўлимга олиб бораётганим ёʻқ, ниҳояти бир пиёла чой ичади-ю келади! — дедим. — А. Қодирий, Ўтган кунлар.

рвш. Ғоят даражада, ғоят, жуда ҳам.

Ниҳоятда оғир масала. Ниҳоятда яхши иш.

Бу гапни олтмишга бориб қолган бир чолдан эшитганлиги унга [Сидиқжонга] ниҳоятда наша қилди. — А. Қаҳҳор, Қўшчинор чироқлари.

сфт. 1. 1 Юқори даражада, ортиқ даражада; чеки ёʻқ, ниҳоясиз, чексиз.

Қадрдонингиз Юсуфбек ҳожининг ўғли Отабек бир неча кунлардан буён бениҳоя бир дард билан оғрир эди. — А. Қодирий, Ўтган кунлар

2. рвш. Чегараси ёʻқ, ҳаддан ташқари; жуда ҳам. Бениҳоя ориқ. Бениҳоя узоқ. Бениҳоя кўп. Бениҳоя қувонмоқ.

У нимадандир бениҳоя хурсанд, нимадандир хижолат бўлиб, уйга кетди. — А. Қаҳҳор, Қўшчинор чироқлари

Кишининг молини сақлаш бениҳоят қийин, ука. — Ойбек, Танланган асарлар

У [Элмурод] ўз олдига шундай бир одамнинг келиб қолганидан бениҳоят хурсанд эди. — П. Турсун, Ўқитувчи

Чегараси ёʻқ, ҳаддан ортиқ; ниҳояциз, чексиз.

Қиёмат кунининг сўнги бор ахир, Бўлмагай бу зулмат билониҳоя. — Ғ. Ғулом

Кўнглинг ғам бўлса ҳам билониҳоя, Онажон, кўзингдан оқизма кўп ёш. — Уйғун, Тонг қўшиғи