Qidiruv

ot 1. Narsalarning umumiy belgilari bilan birlashuvchi guruhi; tur, xil.

Mevalarning kechpishar navlari.

Mardon Yoʻlchiyevich har kuni tong bilan tosha chiqib, yongʻoq navlarini oʻrganardi. — J. Abdullaxonov, Oriyat

2. Molning, buyumning sifat, qiymat jihatdan xili, turi; sorti.

Biron buyumni sifatsiz ishlab, aʼlo navga haq olish noinsoflik, vijdonsizlik, toʻgʻrirogʻi, oʻgʻrilikning boshqa bir turi-ku! — N. Safarov, Olovli izlar

ot 1. Kuy, ohang; xonish.

Qumrining toʻyi: Bezalgan uyi, Nayning navosi Qayta-qaytadan Chalinib tinmay. — Gʻ. Gʻulom

Shundan soʻngra sen qadah ushlab, Xumor koʻzla boqqil samoga, Tingla qushning ezgu orzusin, Quloq bergin mayin navoga. — H. Olimjon

2. koʻchma Maʼlum bir narsaning zavqi.

Avaz oʻrnidan qushday yengil turdi. Oppoq boʻlib yorishgan yangi tong havosidan, bezovta koʻnglida tugʻilgan yangicha bir tuygʻular navosidan jon-jahoni yayradi. — S. Siyoyev, Avaz

3. (katta harf bilan) Shashmaqom tizimidagi ikkinchi maqom nomi

Dutorni sozlash uchun reza kuylardangina olib turgan mashshoq, Otabek kutmagan joyda, Navo dan boshlab yuborgan edi. — A. Qodiriy, Oʻtgan kunlar

4. kam qoʻll. Gʻam-alam ifoda etuvchi ayanchli ovoz; nola.

Koʻzlarida nozik bir oʻt chaqnadi. U faxr oʻtimidi, yo qahr oʻti — bilib boʻlmadi. Lekin magʻrur kishining ovozi bilan emas, dilgir kishining navosi bilan javob qildi. — M. Ismoiliy, Fargʻona t. o.

ot 1. Birin-ketin sodir boʻladigan voqea-hodisalar, bajariladigan ishlar tartibi; gal.

Tegirmon navbati bilan. — Maqol

UzR Oliy Majlisining navbatdan tashqari sessiyalari.

2. Qatorda ishgʻol etilgan oʻrin; gal.

Navbat olmoq. Navbat kutmoq. Erga navbat — sherga navbat. — Maqol

Toʻlamat moʻylov Nigora tomonga koʻz qirini tashlab, Sherbekning qulogʻiga shivirlaydi: — Endi, ukam, Suvonning toʻyidan keyin navbat seniki. — S. Anorboyev, Oqsoy

Ravshan tushlikda shoʻrvaga navbat oldi. Sheriklari tandirdan yangi uzilgan somsani stolga uyib Ravshanni kutib turishdi. — Yoshlik

3. Almashinib bajariladigan ish; navbatchilik. smena.

Lastochkin batalon shtabida postda turardi. Navbati tugagach, kim bilandir gaplashib qoldi. — I. Rahim, Chin muhabbat

4. Maʼlum bosqich; bajarilgan ishning maʼlum qismi, boʻlagi.

Urganch broyler fermasining birinchi navbatini foydalanishga topshirish toʻgʻrisidagi hujjat imzolandi. — Yoshlik

5. (“bu”“shu”“har”“bir”kabi s. bshtn) Marta, gal.

Bir navbat.

ot 1. tar. Harbiy xizmatkor, askar.

HusayinBoyqaro Bogʻi Shimol darvozasi yaqinidagi chodir ichida ikki-uch navkari bilan oʻtirardi. — M. Osim, Sehrli soʻz

Mashina gʻuv etib, avtomat ushlagan navkarlar yonidan oʻtib, shaharga chiqib ketdi. — Mirmuhsin, Chodrali ayol.

2. koʻchma Xizmatkor, xodim.

Rais dala begi emas, dala navkari. — Oybek, O. v. shabadalar.

ot 1. Shamsiya yil hisobida yangi yilning birinchi kuni (mart oyining 21-kuniga toʻgʻri keladi).

2. Bahor chogʻi, bahor.

Navroʻz yomgʻiri.

3. Navroʻz (erkaklar ismi).

ot 1. Erta bahor, ilk bahor, bahorning boshi.

Navbahor ochildi gullar, Sabza boʻldi bogʻlar. — Muqimiy

Har navbahor bu koʻkalamzorga hirotliklar ot-aravada chiqib, bir-ikki kun sayr etib, hordiq chiqarib qaytishardi. — Mirmuhsin, Meʼmor

2. Navbahor (xotin-qizlar ismi).