Поиск

ot Erkak jinsli hayvon yoki parranda.

Maʼlumki, kanareykalarning faqat nari sayraydi, xolos. — Fan va turmush

rvsh. 1. Soʻzlovchidan yoki soʻz borayotgan payt yo oʻrindan uzoq, olis.

Nari tur. Hechqisi yoʻq, bir kun nari, bir kun beri. Vokzaldan nari. Toshkentdan nari.

Anvarni oʻzlari turgan mahalladan bir guzar nari boʻlgan Solih maxdumning maktabiga berdi. — A. Qodiriy, Mehrobdan chayon

Qizlar endi nari yot, beri yot bilan bir-birlarini itarib, surib, koʻrpani toʻrt tomonga tortishib, janjallasha boshladilar. — A. Qodiriy, Mehrobdan chayon.

2. (ch. k. bilan) koʻm. vzf. Keyin; oʻtgach.

Maktabdan narimi, berimi?

1. Shosha-pisha; yengil-yelpi.

[Usta] Bir piyola choyni naridan-beri ichdi-da, oʻrnidan turdi. — O. Yoqubov, Larza

U [Sidiqjon] yuragi gʻash boʻldi-da, otxonadan otni olib chiqdi, naridan-beri egarladi-da onasining ketidan ot qoʻydi. — A. Qahhor, Qoʻshchinor chiroqlari

2. Chalakam-chatti, chala-chulpa, mendan ketguncha, egasiga yetguncha zaylida.

Har qanday masalani oʻzboshimchalik bilan naridan-beri hal qilishga tirishadigan Tojiboy bu safar biror kimsaning maslahatiga, qoʻllab-qoʻltiqlashiga muhtoj boʻldi. — P. Tursun, Oʻqituvchi

ot Larzali, vahimali qattiq ovoz.

Bombardimon kuchaygandan kuchayib bordi. Unga uzoqqa otar zambaraklarning naʼrasi qoʻshildi. — Shuhrat, Shinelli yillar

Koʻkragidan otilib chiqqan qudratli naʼra uzoq-uzoqlarga taraladi. — S. Anorboyev, Oqsoy

ot Narsaning, buyumning pul bilan oʻlchanadigan qiymati; baho.

Ibodilla katta-kichik taroqlarning narxlarini birma-bir aytdi. — H. Gʻulom, Mashʼal

Maxdum bolaga:] Yigirma dona non kerak ekan. Narxi qanchadan? deb darrov soʻrab kel! — A. Qodiriy, Mehrobdan chayon

ot 1. Har qanday moddiy mavjudot; predmet.

Yoʻldoshning koʻzi komissarning toʻshidagi tangadek qora narsaga tushdi. — Shuhrat, Shinelli yillar

Xotinning berib ketgan narsasi uch-toʻrt buklangan bir qogʻoz edi. — A. Qodiriy, Oʻtgan kunlar

2. Hayot, tirikchilik uchun zarur har qanday ashyo, buyum, mahsulot.

Osh — yaxshi narsa.

Mana sizda narsa bor ekan, sotibsiz, bizda bir parcha yerdan boshqa koʻzga ilinarli hech narsa yoʻq edi. — Oybek, Tanlangan asarlar

Charos koridorda teskari qarab turar, qoʻlida gazetaga oʻralgan patnisga oʻxshash narsa bor edi. — Oʻ. Hoshimov, Qalbingga quloq sol

3. Umuman, har qanday hodisa (gap, soʻz, oʻyin, kulgi, ish, voqea, hodisa va shu kabilar).

Barot polvon dunyoda ikki narsani yaxshi koʻrar edi. Birinchisi — kurash, ikkinchisi — ashula. — M. Ismoiliy, Fargʻona t.o

Begimxon xatni qayta-qayta oʻqidi. Goʻyo xatda hamma narsa yozilgan. — I. Rahim, Chin muhabbat

4. s.t. Odam va umuman jonli mavjudot yoki ularning sifatini bildiruvchi soʻzlar bilan qoʻllanib, ularning shu soʻzlar ifodalagan toifaga mansubligini ifodalaydi.

Sen yosh narsa, qolaver, men ketay, ertaga azon bilan kolxozga chiqib ketaman. — Oydin, Fonar tagida

Oʻris amaldorga tegajaklik qilishni unga kim qoʻyibdi? Kambagʻal narsa chorigʻini sudrab, tinch yursa boʻlmasmidi?! — Oybek, Tanlangan asarlar