Qidiruv

sft. 1. Hal qilinishi, yechilishi mahol boʻlgan; qiyin, ogʻir.

Mushkul ish. Mushkul vazifa. Mushkul ahvol.

Yoʻlchi oʻzi uchun mushkul masalani, yaʼni xoʻjayin oldiga kirib, undan pul talab qilishni oʻyladi. — Oybek, Tanlangan asarlar

Birodari aziz, ahvolingiz mushkul, achinaman, illo koʻmaklashishning uddasidan chiqolmayman. — R. Fayziy, Choʻlga bahor keldi

2. ot Qiyin ish, ogʻir ahvol, qiyinchilik.

Toʻlamat moʻylov, Sherbekning mushkulini birga tortishayotgandek, oʻyga choʻmdi. — S. Anorboyev, Oqsoy

[Navoiy:] Shohim, har bir mushkulni aql va sovuqqonlik hal qiladi. — Uygʻun va I. Sulton, Alisher Navoiy.

3. ot kam qoʻll. Ishkal chiqaruvchi, chatoqchi, chatoq.

[Safar boʻzchi:] Birorta mushkul igʻvo qildimi, zakotchining tomogʻi taqilladimi, qoʻltigʻimdagi boʻzni yoppa oldi-qoʻydi. — A. Qodiriy, Mehrobdan chayon

[Yusufbek:] Hoy Toʻla, hushyor boʻl! Meni bilasan-ku, yigit-yalang ichida gapimni bermay yurgan mushkulman. — Hamza, Paranji sirlari

Güçlükler, zorluklar, engeller.MUSHKULOT, QIYINCHILIK

ot 1. kt. ayn. Mushkullik.

Yormat katta mushkulot qarshisida qolgan odam kabi, boshini tebratib, bir tutam soqolini yula boshladi. — Oybek, Tanlangan asarlar

Bu ogʻir mushkulotdan najot istab, qaysi bir eshikni taqillatmasin, hech biridan marhamat nidosi chiqmadi. — M. Ismoiliy, Fargʻona tong otguncha

2. mus. Maqomning birinchi cholgʻu qismi.

Mushkuloti — Ufor

ot Mushkul holat, mushkul narsa.

Bu mushkullikdan qutulishning yoʻli faqat bitta. — Gazetadan

dehqonlarimiz ob-havo sharoiti noqulay kelganligi sababli kelib chiqqan mushkulliklarni mardonavor yengdilar. — Gazetadan

ot din. Kishining mushkulini oson qilish, ishini yurgizish maqsadida qilinadigan duo va irim-sirimlar va uni oʻtkazish yigʻini.

baxtsizlikning oldini olish maqsadida chillayosin, mushkulkushod, bibi seshanba oʻqitish — hammasi diniy xurofotlardir. — Gazetadan

Men Qutlugʻ kampirnikiga mushkulkushodga boraman, sen uyda qimirlamay oʻtirgin. — E. Raimov, Ajab qishloq

fl. Mushkul boʻlmoq, qiyinlashmoq, ogʻirlashmoq.

Ish mushkullashdi. Vaziyat mushkullashdi.

Hosilni yogʻingarchilik boshlanguncha yigʻib-terib olmasak, qora sovuq tushgandan keyin ish yanada mushkullashadi. — M. Nazarov, Boʻz yigit