yengillashmoq

fl. 1. Ogʻirligi kamayib, yengil boʻlib qolmoq, yengillamoq.

Yuki yengillashdi.

2. Yengil koʻchmoq, osonlashmoq.

Bir ish koʻngildagidek ado etilsa, ikkinchisini bajarish ancha yengillashadi. — Sh. Rashidov, Boʻrondan kuchli

Ogʻirlik yana ikki kun, soʻng ishlaringiz ancha yengillashadi. — Oʻzbekiston qoʻriqlari

3. koʻchma Jiddiyligi, ogʻirligi kuchsizlanmoq, yengil tomonga oʻzgarmoq.

Mushkuli ancha yengillashgan Biyron Odilni zarb bilan chetga itardi. — A. Obidjon, Akang qaragʻay Gulmat

zora sening sharofating bilan gunohimiz yengillashsa.ʼ — U. Ismoilov, Saylanma

4. koʻchma Ruhan yengil tortmoq.

Bu suz bilan Otabek bir oz yengillashdi. — A. Qodiriy, Oʻtgan kunlar

Bobur otini qamchilab, navkarlar qurshovini yorib chiqqanda, yuziga shabada tegib, xiyol yengillashdi. — P. Qodirov, Yulduzli tunlar

5. koʻchma Yengillik, ijobiy tomon oʻzgarmoq, tuzalmoq. (dard, kasal haqida).

Eridan loaqal bir xabar kelganda ham bir navi edi, dardi yengillasharmidi. — Sh. Rashidov, Qudratli toʻlqin

6. s. t. Homiladorlik muddati tugamoq, tugʻmoq.

7. koʻchma Nomaqbul, hayosiz, suyuq tus olmoq.

Ichkilik taʼsirida xotinlarning qiliqlari juda yengillashadi, koʻzlari, yuzlari yonadi. — Oybek, Tanlangan asarlar

облегчаться, становиться лёгким

v slow down

1. jeńillesiw, jeńilleniw

2. ańsatlasıw, ońaylasıw

4. bosanıw, kóz jarıw