Qidiruv

ot 1. mat. Katta sonlarning minglar xonasi.

2. Pul, obligatsiya va boshqa qimmatli qogʻozlarning ming soʻmligi.

son 1. 1000 raqami va shu raqam bilan ifodalangan son, miqdor.

Mingni mingga qoʻshmoq. Ming soʻm pul. Ming kishi.

2. Koʻp, koʻpdan-koʻp, juda.

Mingdan-ming rozi boʻlmoq. Ming yashamoq.

Fotima amakisining avzoyini koʻrib, kelganiga ming pushaymon qildi. — P. Tursun, Oʻqituvchi

3. Har qancha.

Sen ming chiroyli boʻlma — yetimsan. — P. Tursun, Oʻqituvchi

Ming dod denglar, ming faryod denglar, behuda! — Oybek, Tanlangan asarlar

Sizning oʻrningizda boʻlak odam boʻlganda, ming yomon koʻrsa ham bir borib, oʻsha bechorani yupatib kelar edi. A. — Qahhor, Qoʻshchinor chiroqlari

son Ming sonidan miqdor soni.

ot Boʻgʻimoyoqlilarga mansub, tanasi boʻylab ikki qator koʻplab oyoqlari boʻlgan hasharot.

Biz mingoyoq, kaltakesak va turli qoʻngʻizlardan kolleksiya tuzdik. — Oʻzbek tili darsligi

fl. Qovoq-dimogʻini solmoq, lab-lunjini osiltirmoq; araz qilmoq.

Gʻulomjonning bir necha minutgina avval tomirlarida qaynagan yigitlik qonining tinishi uchun Nargisning chekkada mingʻayib koʻrinishi kifoya qildi. — M. Ismoiliy, Fargʻona tong otguncha.

ot 1. tar . 1 Daha yoki qishloq oqsoqoli, hokimi.

Bir guvohnoma olish uchun Koʻkcha dahamizning mingboshisi Normuhammadning mahkamasiga yugurdim. M. Muhammadjonov, Turmush urinishlari.

Teshaboyning Katta xotini Oʻktamxon, kichigi esa Qorabuloq mingboshisi Madumar dodxohning kichik qizi Toʻraxon edi. M. — Ismoiliy, Fargʻona tong otguncha

2. tar . Qoʻshin boshligʻi.

Qushbegi va Yusufbek hojilarning taklifi bilan Musulmonqul oʻrniga Oʻtabboy qushbegi [Margʻilon hokimi] mingboshi belgilanib, toʻrtinchi kun Xudoyorxon, qoʻshini bilan Qoʻqonga qaytdi. — A. Qodiriy, Oʻtgan kunlar