fl. 1. Bukilmoq, egilmoq (asosan qomat yoki oyoq-qoʻl haqida).
Amakisi uning yelkasidan mahkam tutdi. Fotima yelkasiga tosh tushganday mayishdi. — P. Tursun, Oʻqituvchi
Chap qoʻlim bilan zinapoya qanotiga suyangan edim, belim mayishib ketdi. — P. Qodirov, Uch ildiz
2. Qiyshaymoq.
Shaftoli mayishib, butun tanasi bilan tokning soʻrisiga yonboshlagan. — X. Nuʼmon, Fasllar
Oyogʻida ipsiz, orqasi mayishgan botinka. — S. Siyoyev, Yorugʻlik
3. koʻchma Tarafini olmoq; qoʻllab-quvvatlamoq.
Chol befarzand boʻlgani uchun, usta uni gʻarib bir odam deb mayishar, chol ham ustani hurmat qilar edi. — O. Yoqubov, Larza