ot 1. Yirtqich qushlar turkumining chaqqon harakatli bir turi; ovchilar uni qoʻlga oʻrgatib, qush ovlaydilar.
Porillab uchadi choʻlning lochini. — Oysuluv
Makoni ikki lochinning: Biri qoya, biri osmon. Qanoti ikki shoirning: Biri oʻlka, biri ochun. — E. Vohidov, Muhabbat
2. koʻchma Shu qushga nisbatli belgini bildiradi; epchil, chaqqon; shijoatli.
Mamajon lochin yigit, Serharakat, betinim. — Q. Muhammadiy
Uning orqasidan lochinlari ham ot qoʻyishdi. — K. Yashin, Hamza