fl.
1.
Ketayotgan kishi bilan xayrlashish uchun biror yergacha birga bormoq, biror yergacha borib, chiqib, xayr-xoʻsh qilmoq; uzatmoq.
Mehmonlarni vokzalgacha kuzatib chiqmoq.
Komil bilan Boʻronbek Ziyodillani kuzatib qoʻyish uchun dalaga chiqishdi. — H. Gʻulom, Mashʼal
Adham shuncha kuzatib qoʻyaman desa ham, Karomat koʻnmadi. — R. Fayziy, Choʻlga bahor keldi
Ichkarida Oʻzbek oyim mehmonlarni kuzatib boʻlib, Kumush bilan onasidan hoʻppak olar [gina qilar] edi. — A. Qodiriy, Oʻtgan kunlar
Avazunimozoriston chetidagi yoʻlgacha kuzatib qoʻydi. — S. Siyoyev, Yorugʻlik
2.
Bilish, aniqlash maqsadida sinchiklab qaramoq, koʻzdan kechirmoq.
Quyosh tutilishini kuzatmoq.
Ergash minbarning panjarasini barmoqlari bilan qisib, koʻzlari chaqnab, xalqni kuzatardi. — A. Muxtor, Opa-singillar
Krasnov, harsillab-gursillab, daraxtga chirmashdi-da, tevarakni kuzatdi. — Oybek, Quyosh qoraymas
Yusufjon Shomat qiziqning oʻyinlarini diqqat bilan kuzatib, oʻrganadi. — T. Obidov, Yusufjon qiziq
3.
Zimdan qarab tekshirib turmoq, taʼqib qilmoq.
Ularni chetroqda shjayib kuzatib turgan choyxonachi, hech voqeaga tushunmay, yuziga fotiha tortdi. — S. Siyoyev, Yorugʻlik
Dushman qochgan joy kuzatish joyi ekanligi aniqlandi. — Nazarmat, Joʻrlar baland sayraydi
4.
Biror narsani (maqsadni) nazarda tutmoq; koʻzda tutmoq, koʻzlamoq.
Agar Musulmonqul bu ishlarni bir yaxshi maqsadni kuzatib qilganda, zolimlarni oʻrtadan koʻtarib, yurtga osoyish berganda, unga kim nima deya olar edi? — A. Qodiriy Oʻtgan kunlar
Keyindan maʼlum boʻldiki, bu Boqimirzoning bu yerga kelishdan kuzatgan muddaosiga daxldor ekan. — A. Qahhor, Mirzo
Bombalar kuzatilgan moʻljalga — gazandalar toʻplangan joyga tushar, hammayoqni larzaga keltirib yovni qiyratardi. — J. Sharipov, Xorazm
