Қидирув

от 1. Бир киши ўтириши учун мўлжалланган, одатда, тўрт оёқли оддий мослама, ўриндиқ; суянчиқсиз стул.

Унсин курсида ўтириб, маҳси тикади. — Ойбек, Танланган асарлар

Матпано пастак курсига чўнқайиб, этигини ечди, чориқ кийди. — С. Сиёев, Аваз

2. Умуман, стул, ўриндиқ.

Курсини столга яқинроқ суриб ўтириб, ишини давом эттирди. — С. Кароматов, Олтин қум

Давронов ёзги театр залига кирганида, битта ҳам бўш курси қолмаган эди. — И. Раҳим, Ихлос

3. Устига дастурхон ёпиб (ёзиб), егуликлар, таом қўйиладиган қурилма; сандал.

Ичкари ҳовлида, кекса Меъмор атрофида қизи ва хотини шумшайиб ўтиришарди; ўртада устига эски дастурхон ёпилган курси, курси устида нон, қанд-қурс, чой. — Мирмуҳсин, Меъмор

Курси устига дастурхон ёзилиб, мева-чева тўла патнус қўйилди. — Ойбек, Танланган асарлар

от 1. КУРС И1. Ўқув юртларида бирор фан ёки унинг бирор қисмининг маълум ҳажмдаги изчил, тартибли баёни; шундай баёндан иборат бўлган дарслик.

То шу кунгача олий ўқув юртларининг филология факултетлари учун ҳозирги замон ўзбек тили курсидан мақбул бир қўлланма ёʻқ эди. — ЎТА

2. Маълум соҳалар бўйича тугал таълим, ихтисос берадиган махсус ўқув муассасаси.

Бухгалтерлар курси. Машинисткалар курси. Стенография курси. Шофёрлар курси.

[Жонфиғон] бир вақт қарасаки, Малоҳат, курсни битириб, юк машинаси миниб юрибди. — А. Қаҳҳор, Жонфиғон

Курс яқинда ўзининг биринчи қалдирғочларини учирма қилади. — Газетадан

Қизлар учун гул дасталаш санъатини ўргатувчи курс очишни орзу қиларди. — А. Мухтор, Чинор

3. Олий ва ўрта махсус ўқув муассасаларининг ҳар бир йили, бир йиллик босқичи, поғонаси.

Бу йил у институтнинг иккинчи курсини тамомлайди. Нечанчи курсда ўқияпсиз?

Бир гуруҳ юқори курс студентлари турадиган бу уйда хоналар кам ва тарқоқ бўлгани учун, вахтёр ўтирмас, ҳар хонанинг калити маълум бир жойга яшириб кетиларди. — П. Қодиров, Уч илдиз

бу қиз Талъатдан бир курс юқорида ўқир, жозибали боқишлари унинг кўнглига ўт соларди. — Ў. Ҳошимов, Қалбингга қулоқ сол

4. Бир давра даволаниш; даволаниш тадбирларининг тугал бир давраси.

Электр билан даволаниш курси.

5. КУРС ИИ 1. Кема, самолёт ва шу кабиларнинг ҳаракат ёʻли, ёʻналиши.

Жаноб капитан, кемани Бектош курсидан адаштирмасанг, елкангдан ўқ ейсан. — А. Мухтор, Қорақалпоқ қиссаси

6. кўчма Маълум бир масалани ҳал қилишда тутилган ёʻл; сиёсат ёʻналиши.

Ҳозирги асосий курс қишлоқ хўжалигини интенсивлаштиришдир.

7. Аксия, облигация, вексел каби қимматли қоғозлар сотиладиган ва харид қилинадиган баҳо; нарх.

8. Бир мамлакат пул бирлиги баҳосининг бошқа мамлакат пул бирлигидаги ифодаси.

от полигр. Ёзма ҳарфга ўхшаш, бир оз ётиқ босма ҳарф; шундай ҳарфлар билан ёзиш, ажратиш.

Сўзни курсив билан ажратмоқ. Курсив ҳарфлар.

фл. Курс-курс деган товуш чиқармоқ.

У Шерали аввал Дирғига, кейин Дорабайирга икки чақмоқдан қанд берди. Отлар қандни курсиллатиб чайнай бошлади. — Ё. Шукуров, Биринчи парвоз

Патирни курсиллатиб-курсиллатиб ўзим ейман. — Ойбек, Олтин водийдан шабадалар

фл. Курсилламоқ феълининг орттирма нисбати.

Биржевой курс