Qidiruv

ot 1. tar. Roʻyxat tuzish, qoʻlyozmalarni koʻchirish bilan shugʻullangan shaxs; mirza.

Navoiyning kotiblarga homiyligi asosan 1469 yildan, yaʼni u davlat arbobi vazifasiga koʻtarilib, kotiblarga homiylik qilish uchun moddiy imkoniyatga ega boʻlishi bilanoq boshlangan. — OʻTA

2. Idora va muassasalarda, lavozimli kishilar, yozuvchilar va shu kabilar shaxslar huzurida yozuv-chizuv ishlari va yozishmalarni olib boruvchi xodim, shaxs.

Kotib oʻtiradigan stol tepasidagi “Papiros chekma!“ degan yozuv ostiga kimdir pistakoʻmir bilan Noyevoy chekaver! deb yozib qoʻyibdi. — S. Ahmad, Hukm

Bu xatlarni u shaxsan oʻzi va kotibi yordamida oʻrganib, aksariyatiga erinmay javoblar yozgan. — Gazetadan

3. Idora, muassasa va shu kabilar kotibiyatiga rahbarlik qiluvchi, kotibiyat ishlariga masʼul xodim.

Fanlar akademiyasining bosh ilmiy kotibi. Institutning ilmiy kotibi.

4. Maxsus kengash, yigʻinlarning bayon-noma va shu kabilar yozuv-chizuv ishlarini olib boruvchi shaxs.

Dissertatsiya himoyalari boʻyicha ilmiy kengash kotibi. Majlis kotibi.

ot Kotib ayol.

Nazar qabulxonaga chiqib, kotibaga Alimatni topishni buyurdi. — E. Usmonov, Yolqin

Kotiba rais kirishi bilan dik etib oʻrnidan turdi. — A. Koʻchimov, Halqa

secretary

ot Kotib ishi, vazifasi.

Qorabek avvallarda baʼzi amlokdorlar va hokimlarga mirzalik — kotiblik qilib yurardi. — S. Ayniy, Esdaliklar

Albatta, suv keltirish kotiblik ishlariga koʻmilib oʻtirishdan koʻra yengil va yoqimli edi. — Sh. Rashidov, Boʻrondan kuchli

ot 1. Muassasa va tashkilotlarda, anjuman va shu kabilar katta yigʻinlarda joriy ishlarga rahbarlik qiluvchi yoki tashkiliy-texnik vazifalarni bajaruvchi, saylab qoʻyilgan organ yoki maʼmuriy boʻlim.

Vazirlar Mahkamasi kotibiyati.

2. Shunday organ, boʻlimlarda ishlaydigan xodimlar.

ruschaсекретарь судебного заседанияinglizchaclerk, court reporter