Қидирув

фл. Кўпчитмоқ феълининг мажҳул нисбати.

фл. 1. Шишмоқ, бўртмоқ, шишиб кўтарилмоқ (юз, қовоқ ва шу кабилар ҳақида).

Кўришаётганда, кўзлари ҳам қизариб қолганини, қовоғи одатдагидан кўпчиброқ турганини кўрди. — П. Қодиров, Уч илдиз

Башорат етиб келди юм-юмалоқ юзи терлаб, қизариб, кўпчиб кетган. — А. Мухтор. Опа-сингиллар.

осмондаги ойлар ҳам, кўпчиб ётган ерлар ҳам — бари-бари сеники. — Т. Мурод, От кишнаган оқшом

2. Етилиб, шишиб кўтарилмоқ; етилмоқ (асосан хамир ҳақида).

Махсус автомат машина кўпчиган хамирни зувала қилиб, узиб ташлаяпти. — Газетадан

Вақти етиб кўпчигач, албат, Тоғорадан тошади хамир. — М. Али, Боқий дунё

от 1. Маълум сон ёки миқдордаги киши ёки нарсаларнинг катта, кўп қисми, шундай қисмни ташкил қилувчи кишилар; аксарият.

Ўқувчиларнинг кўпчилиги. Кўпчилик овоз билан сайланмоқ.

Ёʻлчи дўппи бозоридан аравани аранг олиб ўтди: бу ерда зўр тиқилинч, кўпчилиги хотинлар. — Ойбек, Танланган асарлар

Одатда кўпчилик қизларнинг ҳусни танишиб, суҳбатлашиб, дўстлашиб кетганингдан кейин очилади. — Шуҳрат, Шинелли йиллар

2. Кўп одам, халойиқ; омма.

Озчилик кўпчиликка бўйсунади. Кўпчилик ўртасида. Кўпчилик бир муштдан урса — ўлдиради, бир бурдадан берса — тўйдиради. — Мақол

Ўқувчи, биз кўпчиликмиз, ўқитувчи ҳаммамизни баравар кўролмайди, деб ўйлайди. — Ў. Ҳошимов, Қалбингга қулоқ сол

фл. Кўпчимоқ феълининг орттирма нисбати.