Qidiruv

ot 1. Badanni va tana aʼzolarini berkitish, yopish va shu bilan inson tanasini tashqi muhit taʼsiridan saqlash uchun kiyiladigan, asosan, mato va teridan tikib tayyorlanadigan narsalarning umumiy nomi.

Ichki kiyim. Ustki kiyim. Bosh kiyim. Oyoq kiyim. Milliy kiyim. Ayollar kiyimi.

Top koʻchaning yuqori burchagida otining tizginini ushlagan holda, bir yigit kiyimiga oʻtirgan chang-toʻzonlarni qoqar edi. — A. Qodiriy, Oʻtgan kunlar

Gulnor qutilardan birini ochib, kiyimlari orasiga haligi doʻppini joylashtirdi. — Oybek, Tanlangan asarlar

Hovliqib, rus harbiy zobiti kiyimida shahzoda Isfandiyor kirdi. — S. Siyoyev, Yorugʻlik

2. ayn. Kiyimlik.

Bir kiyim atlas. Ikki kiyim duxoba sotib olmoq.

sft. Kiyimga ega.

ot Kiyim qilinadigan mato, kiyimbop gazlama; kiyimga moʻljallangan.

Bir kiyimlik duxoba. Ikki kiyimlik atlas. Kiyimlik xarid qilmoq.

[Dehqon:] Qovunim pishib chirib ketdi bitta chetanda olib tushay-da, sotib, bolalarga kiyimlik olay, deb xayol qilgan edim. — Oybek, Tanlangan asarlar

Amakingizning doʻkoniga yaxshi shohilar, baxmallar kelibdi, olmaysizmi? Kecha uch-toʻrt kiyimlik olib kelib qoʻydilar. — Oydin, Hikoyalar

ot Kiyiladigan narsalar, kiyim; ust-bosh, kiyim-kechak.

Bular [yigitlar] bir shaharga tushib, ertasiga kiyim-bosh olishdi. — A. Qahhor, Oltin yulduz

Elmurod oʻzini ular oldida dadasining kiyim-boshini kiyib yurgan boladay qoʻpol, uquvsiz sezardi. — Shuhrat, Shinelli yillar

Одежда хороша новая, а друг — старый.

[Ilhom:] Doʻstlardan juda-juda minnatdormiz. [Surmaxon:] Ilhom aka, mana yana birgamiz. [Ilhom:] Dardingizga davo topildi, yarangiz tamomila tuzalib ketdi. [Surmaxon:] Kiyimning yangisi, doʻstning eskisi yaxshi. Eski doʻstim uchun toʻyona olib qoʻygan edim. [Ильхам:] Мы очень и очень благодарны друзьям. [Сурмахон:] Ильхам-ака, вот мы снова вместе. [Ильхам:] Вы теперь избавились свою кручинушку-печаль, теперь ваша сердечная рана зажила окончательно. [Сурмахон:] Одежда хороша новая, а друг — старый. Я для своего старинного друга приготовила свадебный подарок. — Б. Раҳмонов, Сурмахон.